米雪被雪梨嘲「黑白天鵝」似軍訓 感激尹志強：令我學識好多嘢

現年67歲的米雪（原名嚴惠玲），仍然美豔動人，全因她很懂得保養和養生，真的藥箱都變成首飾箱。早前她與妹妹雪梨（原名嚴慧明），接受由楊紹鴻主持的港台節目《一起走過的歲月》訪問，兩姊妹笑談多年來的相處，雪梨指米雪似「黑白天鵝」。

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

{{hket:inline-image name="800_3db850dcd0a87802237020481d7ee55f.jpg"}}{{/hket:inline-image}}

{{hket:inline-image name="800_726d018cce9dde44227bf50d3304634e.jpg"}}{{/hket:inline-image}}

米雪閒時跟好友周潤發跑步，不過雪梨就未有跟家姐一起做運動，她笑言因為懶，不想起早床，她說：「佢（米雪）話唔准飲忌廉湯、唔好食牛油、少油少鹽少糖，總之要最健康，咁不如將啲嘢白灼。」米雪笑說：「你始終有一日要食白灼。」雪梨答：「我食緊喇，耳濡目染，冇辦法。」
兩姊妹相處多年，雪梨以「黑白天鵝」來形容米雪，她說：「日鵝夜鵝，軍訓咁，嗰樣唔做得，呢樣唔食得，佢都係為我好，如果唔係都唔會咁聽（佢）話啦！」在旁的米雪點點頭，並笑說：「佢去台灣拍戲，係我幫佢接，所以酬勞由我收...」雪梨狀作投訴，指米雪當時只給她一個月三千元台幣，米雪笑住解釋：「聽我講，一個月早餐、午餐、晚餐，或者同人去街、飲茶，我計好，假如一日要花五百蚊，咁三十日會用幾多呢，我就用信封入住畀佢，所以佢成日講軍訓，就係咁樣，我限住佢用錢。」雪梨指自己不會亂花錢，她說：「我喺台灣拍完戲，休息嗰日先去卡拉OK，自己唱五、六個鐘，因為冇嘢做，又冇朋友，冇其他嗜好。」米雪就大讚雪梨為人「拎得起，放得低」、敢愛敢恨。

韋小寶遇上黃蓉｜「佳視三寶」文雪兒米雪二缺一 網民召喚「大眼妹」李通明【下一頁】

在圈中打滾多年，人生亦中經歷了很多事，雪梨表示要感謝恩師李添勝、媽媽及一對子女（大仔徐偉棟和細女徐頴堃），她說：「當我唔開心嘅時候，佢哋陪伴我。」米雪則說：「我要感謝父母，喺我演藝生涯同我共事過、幫過我嘅人，仲有要多謝尹佬（已故前男友尹志強），佢同我一齊行咗咁多年，令我學識好多嘢，喺佢身上，我睇到好多嘢，例如處事、對人，我以為自己處事已經好好啦，點知佢仲厲害，佢啲朋友多到滿天下。」
1969年，米雪考入第一期無綫邵氏訓練班，同期同學有林建明、李修賢、傅聲等，畢業後，她並沒有簽約無綫，反而在邵氏留了一段日子，及後因簡而清介紹而轉簽佳藝電視台，首套劇集為《樓上樓下》，及後接拍《射鵰英雄傳》，「拍之前三個月訓練，朝九晚七，朝早操拳，然後練做戲，食完飯之後再練踢腿，練到對腳檻上一級都無力，要托住隻腳落地，真係好辛苦。當時曾江係我哋導師兼導演，佢睇到我哋打到雞手鴨腳，咁咪被佢鬧，我又唔忿氣，點解人哋打得咁靚，我哋練咗一個月都雞手鴨腳，唔得，一定要發奮，日練夜練，三個月就煥然一新。」至於雪梨當年被李添勝看中，邀她入無綫，夥拍周潤發拍劇集《親情》，飾演容家茜一角，她笑說：「覺得好玩，唔識驚。」

仔女寸徐少強專一溝女 感激雪梨獨力養大：買樓同阿媽住【下一頁】

{{hket:inline-image name="183540257_1107391223078728_4781511448445383799_n.jpg"}}{{/hket:inline-image}}

對於拍戲以來，最喜歡的角色，米雪表示是《射鵰英雄傳》的黃蓉、《大太監》的慈禧太后，還有《溏心風暴》等等；至於雪梨則指《神鵰俠侶》李莫愁角色，在內地較為受歡迎，但她卻偏愛《尋秦記》和《天龍八部》的角色。揚言暫不退休的雪梨，她表示最想演妓女，「挑戰性好大，妓女嘅生涯好慘，我想呈現一個好唔同嘅妓女心情出嚟。」米雪說：「我都想演癲、有問題嘅角色，因為我好想代佢哋講嘢，講佢哋心聲，唔好戴有色眼鏡睇佢哋。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】