愛回家丨蔡國威透露被監製睇中將客串演出 爆角色輕鬆： 好似做自己咁！

無綫處境劇《愛回家之開心速遞》又有新角色加入，曾在《全能司儀選拔大賽》勝出的蔡國威，在司儀方面，獲得大家的認同，所以被《愛回家》監製看中，邀請他在劇中飾演主持一角。他接受《晴報》訪問時，坦言這個角色對他來說，就是駕輕就熟。

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

今次蔡國威客串《愛回家》的角色，是飾演音樂頒獎禮的司儀，劇情講述組合「大四喜」將會出席，蔡國威向《晴報》表示：「好多謝《愛回家》嘅監製同劇組，可能因為睇咗《全能司儀選拔大賽》，二話不說就叫PA搵我做呢個角色，其實唔只呢次，之後喺《愛回家》都會演節目主持，所以我係客串咗幾集，如果喺《愛回家》入面有固定角色，真係好難得，因為呢個時段多人睇，多多少少都會幫助自己入屋。」

問到拍攝時有沒有蝦碌情況？蔡國威說：「冇，但係有啲壓力，因為大家畀我嘅信任度都好高，劇本寫唔到嘅對白，佢哋大概話畀我知咩意思，我就用番平時做司儀嘅方法去演繹，好似做自己咁！雖然係駕輕就熟，但都係造成一個壓力。（有沒有NG？）一次半次都嘅，盡量啦，都過到關。做司儀只係我其中一把刀，我都希望拍戲嘅，唔好框死我，我都想嘗試其他角色。」

一起走過｜蔡國威比賽輸畀阿田無緣做歌手 六合彩之子主持10年：真係唔悶【下一頁】

另邊廂，有「六合彩之子」稱號的蔡國威接受TVB娛樂新聞台訪問，他表示多獎金的期數，多數都是由他負責主持，「每年第一期嘅攪珠都會係我，我唔知係巧合定刻意安排，但我都好開心喺重要嘅日子，帶一啲幸運畀大家，係一件非常幸運嘅事。」

愛回家丨宋宛穎首登場同吳偉豪有接吻戲 網民嘲太濃妝同朱凌凌似兩姊弟【下一頁】

{{hket:inline-image name="5675784.JPG"}}{{/hket:inline-image}}

每逢有大獎金，不少朋友都找蔡國威，希望可以沾他的旺氣，他笑言平時都有買六合彩碰碰運氣，「習慣咗，已經冇乜感覺，冇乜心跳，我諗就算喺我面前，噏嗰6個號碼，係我中嗰6個都好啦，相信大家都察覺唔到（佢中獎）。」主播問他有試過中獎嗎？蔡國威仔說：「有試過，但唔係自己開（主持）嘅時候，我成日都好期待自己開自己中嘅嚟臨，所以我成日練自己唔好緊張。」他笑言如果中頭獎的話，一定不會告訴其他人。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】