風再起時丨郭富城掌摑梁朝偉感壓力 「點捨得一巴伸落去吖」

由兩大影帝梁朝偉和郭富城主演的電影《風再起時》，今晚在尖沙嘴舉行首映禮，同場還有何珮瑜、吳卓羲、譚耀文、金燕玲、周文健、張松枝、何啟南等等。

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

{{hket:inline-image name="5.JPG"}}{{/hket:inline-image}}

{{hket:inline-image name="6.JPG"}}{{/hket:inline-image}}

雖然偉仔和城城在電影中首次合作，但其實兩人曾合演1988年無綫處境劇《都市方程式》，城城說：「你（偉仔）做教練，好耐㗎喇，都有積極搵番條片出嚟，但係都好似好模糊咁。」
提到城城掌摑偉仔的一場戲，城城表示拍攝時，「其實點捨得一巴伸落去吖，但唔捨得都要打，角色需要，拍戲就冇辦法啦，呢個係一個長鏡頭落，如果打到偉仔哥嗰下，就已經去到尾，所以唔錯得，好難忘。」

梁朝偉開抖音帳戶冧爆fans 網民：希望不是為了宣傳電影才來【下一頁】

至於偉仔為了角色，特登學彈鋼琴，他笑說：「其實我有買琴，好耐都冇彈，但我都好想彈番，彈琴係因為今次嘅契機，呢部電影令我接觸音樂，我成日都覺得彈鋼琴唔係彈畀人聽，係彈畀自己聽，真係會好正。（用琴去抒發自己嘅感情？）我相信每個人都有一種方式去表達自己，有人鍾意文字，有人鍾意跳舞，有人鍾意透過運動，我覺得乜都可以抒發自己，我每年都會畀自己學一啲新嘢，我覺得好有趣，又可以鍛鍊下自己個腦，（繼續學琴？）我想，但好難搵老師，因為呢個唔可以用Zoom㗎嘛，鋼琴要喺側邊教，但係我都希望繼續玩音樂。」

萬千星輝賀台慶丨郭富城壓軸熱舞向訓練班導師致敬 汪明荃繼續手氣旺抽到電動車【下一頁】

{{hket:inline-image name="12.jpeg"}}{{/hket:inline-image}}

何珮瑜在2016年與導演翁子光相戀，2017年接拍對方執導的電影《風再起時》，但兩人在2018年分手收場，5年後電影終於上映，他們在首映禮再踫頭，何珮瑜表示不尷尬，她說：「見番佢好開心，好耐冇見喇，（分手後仲係朋友？）朋友，都要恭喜導演，大家期待咗咁耐買風再起時》終於上映，希望攞多啲奬啦！」何珮瑜在《風》片中，飾演偉仔的太太，還自爆剝完智慧齒後，要跟偉仔拍kiss戲，在旁的吳卓羲聞言即笑說：「剝完牙會唔會有血味呀？」

{{hket:inline-image name="055a6a68-c65a-43c8-8f8e-1b4617e83f4b.JPG"}}{{/hket:inline-image}}

此外，吳卓羲最近在內地節目《大灣仔的夜2》，與張智霖、謝天華在車內聊起台灣組合信樂團的歌曲《死了都要愛》，吳卓羲興奮忘形地爆粗：「係呀！好X勁㗎佢！」但字幕組就譯成「他很冷靜的他」，吳卓羲笑說：「我覺得係盛情難卻嘅時候衝口而出嘅讚美說話，無傷大雅喎，得啖笑囉，咁佢真係好…勁吖嘛，阿信哥，而翻譯得嚟又幾啱㗎喎…個音，宣傳效果啫！」

採訪：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】