袁文傑爆被亞視女星夾硬迫認緋聞 杜挺豪同樣遭遇：含羞答答望住我

袁文傑昨日作客到李婉華的YouTube頻道，跟婉華和昔日亞視好友杜挺豪和林子博在「豪華博客」環節中，溫哥華、多倫多、英國及香港四地隔空交流，免不了傾到大家在亞視年代的難忘往事。杜挺豪大讚袁文傑相當有義氣，選亞洲先生期間在一場踢波活動上，有路人笑他們是「鴨」，袁文傑即場挺身而出為他們護航。

同場加映：風再起時丨郭富城掌摑梁朝偉感壓力 「點捨得一巴伸落去吖」

{{hket:ul-video id="7575"}}{{/hket:ul-video}}

下流上車族│丁子朗袁文傑拗手瓜爭郭柏妍 網民指選擇「離地」：現實應該會……【下一頁】

{{hket:inline-image name="YHH.jpg"}}{{/hket:inline-image}}

杜挺豪憶起有一次他、太太黃璦瑤、陳展鵬和袁文傑一齊飛英國旅行，當時大家搵錢唔多，但難得去到阿仙奴睇波，他們幾個唔想食「炒價」，當年袁文傑收入較好，決定請他們一齊睇波，非常豪爽！李婉華稱跟袁文傑在TVB已經認識，後來在亞視都有演過幾次情侶，合作不錯，不過原來袁文傑稱李婉華曾經幫過佢，而且非常之深刻又難忘。

袁文傑娓娓道來說：「2001年亞視套劇叫《親子情未了》開記者會，當時公司就用最老土宣傳招數，就係情侶檔咁樣出現，當時有個同事叫珈穎，即係謝雪心心姐個女，記者會完咗之後，記者就追問我哋所謂緋聞嘅事。真係多得公關大員幫我哋造新聞，記者問起我又硬晒軚面都紅埋，不斷問我：『係咪啫？係咪追人啫？點樣啫？」難得在我旁邊個珈穎竟然含羞答答咁望住我，記者一路問，佢一路望我，好似感覺係：『你表態啦！你表態啦！』咁，表咩態啫大佬，夾之嘛，我心係咁諗，但當下我又唔講得粗口，真係好困境。」袁文傑形容當時貴為女主角的婉華突然間出現，義無反顧地坐在兩人中間，為他們打圓場，「我好感激你，當時真係落唔到台，班記者直情話我：『女仔都認咗，乜你咁冇風度呀，你唔認呀？』咁樣，我份人直腸直肚，超，認咩？係就係，唔係就唔係，如果我話唔係，又怕Hurt到旁邊嗰個，真係唔知點處理！」

《好聲好戲》X《愛回家》︳袁文傑後來居上贏李佳芯出線 本周六同蘇韻姿樊亦敏爭總冠軍【下一頁】

{{hket:inline-image name="YHH5.jpg"}}{{/hket:inline-image}}

{{hket:inline-image name="YHH4.jpg"}}{{/hket:inline-image}}

{{hket:inline-image name="YHH2.jpg"}}{{/hket:inline-image}}

{{hket:inline-image name="YHH3.jpg"}}{{/hket:inline-image}}

林子博笑指相信珈穎想袁文仔答係，沒想到杜挺豪憶起相同的事件同樣發生在他的身上，而且都是同一個人珈穎，「我都有壇嘢，返內地拍嘢，影我下半身要濕身，下面現咗形，記者問我係咪見到珈穎所以小杜杜有反應呀？我否認，不過最後出咗新聞：『杜挺豪望到珈穎有反應！』，珈穎當時又係含羞答答咁望住我，心諗做乜嘢呀？」

提到袁文傑在亞視重返TVB發展順利，他表示其實這種例子屢見不鮮，張家輝、陳錦鴻、關詠荷等都比他們更早更厲害，成為相當專業的演員。他憶起當年亞視人情味濃，而且幕前幕後一家親，文傑當時拍古裝，威也組要幫手，就算他們是演員都會落場幫手拉威也，上下一條心。林子博說：「亞視同無綫最大分別就係幕後工作人員，平時收工就拜拜，但亞視唔係，總係夾手夾腳大家互相幫忙，收音師見燈光師未搞掂，都會樂意幫手，大家齊齊早啲收工，但無綫唔會，收音還收音，燈光還燈光，唔會亂掂對方嘅嘢！至於幕前，亞視藝人返公司同離開公司都係嗰個樣，琴晚踢完波，今晚大家都繼續講，但無綫呢，琴晚同袁文傑踢完波，第日返到化妝間大家唔會講番琴晚踢完波，真係唔知點解。可能真係人多是非多，又可能係因為多山頭文化。」

{{hket:inline-image name="272256737_1558961911129458_3483285840794846818_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉