64歲魯振順，在娛樂圈打滾了45年，經過很多起跌，他早前在香港演藝人協會拍攝的短片《傳承‧前輩訪問》內訴心聲。他在14、5歲時加入兒童合唱團，因當時無綫有份來拍節目而令他接觸到拍攝工作，繼而產生興趣。直至高中年代，加入第8期藝員訓練班入行，這麼多年來，他因為拍過一套名叫《天皇巨星》的電影而大受影響，慘被嘲笑、奚落。年少氣盛的他，當初在無綫工作，曾感到不公平而離開轉投亞視，不料被有關人事欲把他定型專做「乸型」角色，憤而劈炮。
同場加映：風再起時丨郭富城掌摑梁朝偉感壓力 「點捨得一巴伸落去吖」
在片段內，魯振順透露自己在14、5歲時參加兒童合唱團，無綫有份拍節目而令自己有機會接觸到拍攝工作，從此對娛樂工作產生興趣。雖然受家人反對，不過他讀完高中後仍然決定加入訓練班。最初的時候一帆風順，當時亦充滿自信和雄心壯志：「當時都想做到嘢，覺得自己得，點解有機會唔畀我。好多人搵我做嘢，同公司講完，機會都會畀咗第二個，可能我冇background冇人support 我，個樣又唔係咁好啦! 又唔識做人，機會就畀咗人，好憤恨點解咁唔公平、唔公道，當時做咗4年就走。而家就會識諗，原來呢個世界永遠有呢樣嘢，要自己調適，冇人幫到你。」
預明年年底結婚│魯振順爆未婚妻女追男隔重紗 期待生龍鳳胎不排除領養【下一頁】
63歲魯振順自爆婚訊嚮往黃昏戀 女友幫「爭口氣」：成日話我Gay【下一頁】
他後來得到梅小青和劉家豪幫忙，轉投亞視，曾經都有好發展；無奈遇到公司人事變動，決定離巢向外闖：「入咗亞視，都有啲好重要角色，有一、二線（角色）做吓。後尾人事變動，無綫有班人入咗亞視，呢堆人就係有啲曾經令我離開無綫的人喺度，佢哋入嚟我就知大件事喇! 有啲人可以同我講：你個樣適合唔係小生角色，而係做小巿民，乸型啱你。定我型喎，於是我走。」
片中他又重提1983年拍《天皇巨星》時的辛酸，他說：「拍呢套嘢累死我，原本係梁嘉倫，邵音音姐做女主角，拍拍下佢哋有爭執，之後改劇本，改由新人做（主力），我同埋夏淑玲做。我冇冠名叫自己做天王巨星，但觀眾好單純（以為係），而呢4個字累到我好慘，被奚落、嘲笑、貶低，睇不起。呢啲情況經過咗一段日子，我被屈住過呢咗一段日子，你講乜都冇用，呢套戲令我孭好多個騷，欠好多嘢我要去畀番。」
而1985年他陷入人生最低潮，重提被指「厭世自殺」事件：「《天皇巨星》嗰段時間有好大壓力，加上拍完《武則天》，事業冇承接，成日怨天怨地，好多負面思想，加上有個拍拖七年的女友話唔結婚，突然間發現，原來乜嘢都唔係屬於我。咁啱嗰段時間拍緊一套劇，好辛苦先拍晒，拍完同朋友去玩，夜麻麻突然收call叫第二朝一早有通告補一個shot，跟住我覆『唔使補喇，死咗喇…』，嗰刻好忟，情緒爆炸，於是轉場再玩，就打爛晒嘢發生嗰件事，當時重覆嗰個動作（割脈），尋死意志好強烈。」經歷此事後，他學懂珍惜和感恩，現在學懂感恩每一日：「有得玩就玩，有工作有角色做就，享受心態，大家健康開心和諧過日子。」
片段內，魯振順還有感激一班曾幫助自己、畀機會自己的人，他感激曾勵珍把他再拉回無綫工作，而且感謝監製李添勝開劇找他參與拍攝。1996年他拍攝《笑傲江湖》，飾演東方不敗一角，將演技發揮得淋漓盡致，連金庸都讚：「筆下嘅東方不敗就係咁嘅一個人。」成為他演藝事業上光輝的一頁，他另外亦有不少作品受到讚賞。同時，多年來他在《歡樂滿東華》卡拉之星環節表演，又唱又跳。其實當初入行，他同樣有參加華星唱片公司舉辧的天才歌星訓練班，不過在做戲同唱歌之間，他選了前者：「兩份約唔可以一齊簽，咁飲水思源，而且都要食飯，（歌星合約）冇底薪點過日子，冇得叫老竇養我嘛。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：王連連