新四十二章丨 鄭子誠撚聲讀《音樂情人》開場獨白 浪漫暖男愛寵妻 靚聲竟曾被嫌棄

劇集《新四十二章》雖然牽涉維度及穿越的元素，開播以來情節暫時簡單易明，而且每位角色的人物性格各具特色，睇得觀眾非常過癮。昨晚一集King（陳豪 飾）因意外昏迷臥床不醒，好友算頭（鄭子誠 飾）和一班街坊都好有心，去醫院陪King傾偈，希望可以喚醒沉睡中的他。Mon（江嘉敏 飾）和Zoie（譚凱琪 飾）兩位好姊妹不斷吱吱喳喳，算頭立即上前阻止，並大拋金句：「你估我數理情人個朵流呀？聲係用嚟撚呀！」

同場加映：風再起時丨郭富城掌摑梁朝偉感壓力 「點捨得一巴伸落去吖」

{{hket:ul-video id="7575"}}{{/hket:ul-video}}

星光路上｜鄭子誠被嫌講嘢慢調往通宵節目 監製睇中帶奸氣邀做「子浩」【下一頁】

{{hket:inline-image name="nam5.jpg"}}{{/hket:inline-image}}

起初，算頭只是講無聊廢話，Mon同Zoie嫌棄，算頭話：「識咩吖你，呢啲只係熱身嚟呀！」隨後，鄭子誠用他經典的靚聲將他在電台節目《音樂情人》的獨白改編，重新演繹一次，勾起不少觀眾的共鳴。原本的獨白是：「有時候，太多嘅說話，會擠壓咗聆聽嘅空間；又有啲時候，太多嘅動作，會令你失去咗安靜嘅能力。喺日間，我哋穿越過重重嘅人群，接收嚟自四方八面嘅聲音，嚟到夜晚，唔好再執著過去嘅遺憾，亦唔好預支未來嘅憂愁，就讓音符代替動作，讓歌詞代替說話。我係鄭子誠，又或者你可以叫我做，音樂情人。」

《新四十二章》中的對白大同小異，最後改成：「我係算頭，係你最好嘅朋友，無論你遇到咩都唔使驚，因為我永遠喺你身邊...」King在夢中聽到算頭的聲音，同一時間，後者突然收到女友小琳（葉凱茵 飾）的電話，就離開醫院。

未必有陰謀│鄭子誠浪漫心意卡賀結婚19周年 劉倩怡冧爆大讚：越來越欣賞佢【下一頁】

{{hket:inline-image name="329359715_966086547690842_3734689789680210645_n.jpg"}}{{/hket:inline-image}}

這次鄭子誠演繹算頭一角，加入了他現實生活中電台DJ的元素，由「音樂情人」變身「數理情人」，招牌靚聲出現在劇集中。其實他主持香港電台節目《音樂情人》已經18年之久，深入民心，跟幕前飾演奸角的他反差甚大。私底下的鄭子誠沒有「陰謀」，也是一位愛妻號，跟劉倩怡結婚19周年，他向對方送上浪漫心意卡，引用張學友《有個人》的歌詞「到公園散步年紀，有結伴人是你」示愛，冧爆老婆。

不過原來鄭子誠的靚聲曾經不被看好，任職DJ的初期並不順風順水，他接受訪問時，曾透露︰「試過做朝早節目，老細話我講嘢節奏慢到令人想熄機，冇耐之後就畀人調咗去做通宵（節目）……覺得越夜越啱我。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉