應屆港姐亞軍丨許子萱消失兩個月蒲頭立即中獎 認抗壓能力高履行職責：有始有終

應屆港姐亞軍許子萱行蹤一直成謎，事關她在最近兩個月，多次缺席無綫大型的公開活動，包括去年11月的節目巡禮、今年1月的無綫頒獎典禮，以及大年初一的新春活動，當時有份出席的應屆港姐冠軍林鈺洧就透露許子萱因外遊而未能現身。不少網民亦有留意到並在許子萱的IG留言，狠批她沒有履行港姐的義務，人品差，許子萱親自反擊：「這裡不歡迎黑粉，不喜歡的可以滾哦！」

同場加映：風再起時丨郭富城掌摑梁朝偉感壓力 「點捨得一巴伸落去吖」

{{hket:ul-video id="7575"}}{{/hket:ul-video}}

{{hket:inline-image name="DSC_6397.JPG"}}{{/hket:inline-image}}

{{hket:inline-image name="DSC_6371.JPG"}}{{/hket:inline-image}}

今日，無綫在電視廣播城舉行《無綫癸卯年新春團拜嘉年華》，主席許濤、一眾行政人員、港姐冠軍林鈺洧、季軍梁超怡及友誼小姐邢慧敏均有出席，而許子萱亦終於蒲頭。在活動中，全場一齊玩Bingo遊戲，點知許子萱勁旺，竟然連中三元，先後贏得高級枕頭、攪拌機和按摩用品，全程笑到四萬咁口，就連司儀主持朱凱婷忍不住指許子萱連中三元，應該要跟公司加簽合約30年，台下樂易玲等高層點頭附和。

應屆港姐亞軍許子萱任期常缺席活動 被網友批人品差 激動留言反擊【下一頁】

運氣極好的許子萱，她笑言要買六合彩，「因為上年啱啱過咗本命年，所以希望今年可以繼續旺落去啦！」問她多久沒出席無綫活動？許子萱說：「之前係有一段時間請咗假，大概請咗兩個幾月，因為之前參選嘅時候，我本身有工作，係向公司請假嚟參選，咁參選完，年底有幾個項目，所以我要特登返內地去交接一啲項目，完成之前嘅工作，我返嚟先可以更加專注呢邊嘅工作，履行我嘅港姐職責，有始有終吖嘛！」對於有傳她不堪壓力欲提早向無綫解約？許子萱苦笑一下，便說：「冇啲咁嘅事，我覺得我份人冇乜優點，但我嘅抗壓能力都算高，而且之前做金融都好辛苦，所以因為壓力大而出走，係不屬實嘅傳聞。」她亦否認與張光怡不和，跟對方是好朋友，今次回來都想相約大家一起相聚。

2022香港小姐競選丨亞軍許子萱失獎變臉遭網友熱論 細數歷屆黑面港姐經典畫面【下一頁】

{{hket:inline-image name="DSC_6825.JPG"}}{{/hket:inline-image}}

提到她在IG反擊網民時，叫對方「滾」，許子萱解釋：「本身我嘅攻擊性唔係咁強，一般呢啲留言，我都不予理睬，但嗰位先生真係騷擾咗我好耐，所以先發咁樣嘅評論，如果之後有批評、攻擊，如果係客觀性，我一定會接受去改進，如果單純係人身攻擊，我會篤番佢囉！（講咩令你咁嬲？）多次騷擾我，又打電話畀我，受到好耐嘅騷擾，公司都有了解，都有幫我處理呢啲問題。」對於朱凱婷笑她連中三元應跟公司加簽30年，許子萱聞言即笑，只說：「好開心囉，希望今年繼續旺落去，繼而努力。（願唔願意同公司簽30年？）公司肯要我30年先算啦！可能到時佢哋嫌我老，唔知呀！」

採訪：倪小珊

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】