愛回家丨吳偉豪尷尬咀宋宛穎感情線未定局 歐瑞偉旺女星生仔原來唔止兩位

《愛回家之開心速遞》今日舉行宣傳活動，適逢下星期情人節，特別安排劇中的CP瘋狂「放閃」，今日更率先爆料當日的劇情將會跟譚道德（陳榮峻飾）和譚何容儀（吳香倫飾）有關，主持阮政峰追問是否兩人的「不道德之夜」，但兩人大賣關子，不過趁活動的甜蜜氣氛之下，陳榮峻都有向吳香倫獻吻，非常甜蜜。而監製林建祥收到周星馳的「心想事成」符，特別跟一眾演員齊齊分享喜悅！

同場加映：風再起時丨郭富城掌摑梁朝偉感壓力 「點捨得一巴伸落去吖」

{{hket:ul-video id="7575"}}{{/hket:ul-video}}

愛回家丨宋宛穎首登場同吳偉豪有接吻戲 網民嘲太濃妝同朱凌凌似兩姊弟【下一頁】

{{hket:inline-image name="09d69d8e-33cf-448f-ae9c-d4912d778608.JPG"}}{{/hket:inline-image}}

{{hket:inline-image name="f13c8676-0449-4781-a4b2-16771dadcc07.JPG"}}{{/hket:inline-image}}

{{hket:inline-image name="C85C2E54-DD61-4C11-B06F-69CDAA07C0A4_1024.jpeg"}}{{/hket:inline-image}}

{{hket:inline-image name="3D1D0707-9038-47E7-BD4B-F74A405FCBA9_1024.jpeg"}}{{/hket:inline-image}}

甜蜜之吻何止陳榮峻和吳香倫，幾日前播出的一集，朱凌凌（吳偉豪飾）跟全新登場的角色Tiffany（宋宛穎飾）感情線一日千里，已經發展到接吻的階段，代表著暗戀朱凌凌的Candy（葉蒨文飾）正式「失戀」。吳偉豪和葉蒨文接受訪問，葉蒨文笑言：「嗰集簡單係『傷心速遞』，不過對演員而言，我哋唔係主線演員但有機會畀我去嘗試唔同戲種，真係超級開心，今次都聽到網友話我演繹有啲層次，所以有好劇本先可以試呢一類演繹。」

雖然「程咬金」宋宛穎的加入，不過吳偉豪大爆感情線的發展，「我覺得監製同編劇可能係想製造我同Candy對CP，不過可能之前我又成日暫別《愛回家》，所以成日都唔成事，就先畀啲考驗我哋，令個故事更加豐富。（網友唔滿意話似姊弟戀？）我入行都被人話我個樣老啦，而且大家睇咗千幾集都係我同Candy呢幾位演員，突然有個新人加入嚟，大家反應熱烈啲都好正常！」他表示由於跟宋宛穎不太熟悉，第一次合作就要拍接吻戲，難免尷尬，問到是否獻出熒幕初吻？他說：「唔係，我熒幕初吻係男人嚟呀！仲要係一名特約演員，而家有時都會撞到佢，（同周嘉洛有冇錫過？）我同佢錫應該會記得，印象中就應該冇啦！」葉蒨文表示宋宛穎有繼續拍攝工作，但連身為演員的他們都不知道劇情如何發展，她笑言「男飛躍」吳偉豪真的很忙，所以難以預知感情線的結局。

愛回家丨孫慧雪懷孕挺巨肚問劇情點發展 網友讚歐瑞偉係「帶子」男星【下一頁】

{{hket:inline-image name="7d6a85d1-04d7-4da2-afa1-4dc9a897a828.jpg"}}{{/hket:inline-image}}

{{hket:inline-image name="328215792_209727171580174_6571856966148571677_n_600.jpg"}}{{/hket:inline-image}}

歐瑞偉劇中的拍檔孫慧雪懷孕三個多月，而且今次孕肚特別大，不過瑞偉哥表示拍攝工作仍在進行中，「劇情暫時冇話佢有BB，應該係鏡頭照樣就一就遮肚，唔知之後編劇會點寫，不過我哋都拍咗好幾集，仲一齊影寫真添，點影？到時出街大家就會知道！拍攝時都會盡量錫住佢，叫佢小心啲！」

提到他被形容為「帶子」男星，跟他拍檔過的岑杏賢和孫慧雪都先後懷孕，他說：「其實唔止，之前仲有姚瑩瑩，佢當年大肚嗰陣，我都係同佢合作緊，所以...邊個想生仔就同我拍檔啦！(你會唔會做公公或爺爺？）冇咁快，其實我冇乜所謂，緣份到就到，最緊要佢哋開心，呢方面我好民主。」對於有不少網友好鍾意KC同Rachel這對CP，擔心孫慧雪產後會跟岑杏賢一樣離開劇組，歐瑞偉說：「我唔知受唔受歡迎，不過同佢拍得好開心，一埋位就好多笑料！之後點發展就睇編劇點寫啦！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉