林曉峰與大仔外甥女家庭旅行遊日 康子妮香港出騷追逐歌唱夢

著名金牌司儀林姍姍女兒「西瓜」李澄、「野人」李怡同舅父林曉峰（阿Lo）一向感情要好，日前佢哋加埋林曉峰大仔林寶，去東京家庭旅行，非常溫馨，而另一邊廂，阿Lo前妻留港出騷繼續搵銀，各自各生活精彩！

同場加映：新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」

{{hket:ul-video id="7598"}}{{/hket:ul-video}}

其實阿Lo大仔林寶喺去年5月已經出發到日本讀書，早前短暫返港，相信今次係返日本繼續學業，爸爸就同兩位外甥順道嚟個家庭旅行。旅程中見佢哋食唔停口，林寶成個唔同晒，戴上黑框眼鏡，留着一頭中長髮，髮尾染上金色，衣着打扮講究，十足日系型男，好有個人風格。林寶明顯成熟咗唔少，搞到表姐野人都要澄清呢個唔係佢男朋友，只係佢表弟。

{{hket:inline-image name="329930154_8553778934692793_5767426414941834201_n.jpg"}}{{/hket:inline-image}}

林曉峰前年參加真人騷《披荊斬棘的哥哥》，在內地人氣急升，與謝天華、張智霖、陳小春等「大灣仔」拍綜藝節目《大灣仔的夜》，佢早前返港過年，內地就有唔少觀眾話掛住佢，想再見到佢上節目喇。

康子妮就冇現身呢次嘅旅行，繼續留港追夢加搵銀，同一時間見到佢同炎明熹老師齊齊出騷，表現得非常興奮呀！康子妮與林曉峰結婚18年，於2020年離婚，2名兒子共同撫養，一家四口關係良好，不時家庭聚會。在離婚後，康子妮除了身兼和音、演奏、美容KOL等多職外，更轉行投身保險業，初初入行已成為Top Sales，最近更成為了百萬圓桌MDRT的超級會員（COT），年收入料達約286萬，成功轉型為事業女強人。

康子妮就表示並非為了拿獎，而是希望能夠有充足的經濟來源供兒子讀書，公布離婚消息時林曉峰感謝康子妮為了家庭甘願退居幕後，專心相夫教子，稱︰「我希望結婚、生小朋友、建立自己的家庭，是康子妮幫我完成我的夢想，是她成全了我。」

撰文：娛樂組

圖片來源：Instagram