林子博開live被女網民要求哄睡 李婉華幫手狂SELL：好老公好爸爸

前無綫娛樂新聞台主播林子博的太太董燕君（Shirley）在2020年因為罕見癌症平滑肌肉瘤第四期而離世，加上當時不獲無綫續約，在雙重打擊下，在2021年年中，他帶住一對子女離開傷心地移民英國展開新生活。

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

{{hket:inline-image name="Y65UTU7486.JPG"}}{{/hket:inline-image}}

{{hket:inline-image name="1234365.jpg"}}{{/hket:inline-image}}

獨自肩負養育子女成材的林子博，在YouTube頻道「子博在英國」上拍片直播在地生活，亦會與好友李婉華、杜挺豪live吹水。日前直播中，三人談及獵奇職業，提到專門哄人睡覺的「哄睡師」，網民黃女士留言「對住太靚仔瞓唔著」，李婉華提議可找林子博，笑稱：「對住肥肥哋，子博咪啱囉，又有個肚腩...」林子博即說：「但我有鼻鼾，你諗清楚，你知唔知我成副Harley engine喺側邊。」李婉華：「你哄佢瞓吖嘛，你唔准瞓㗎！」林子博一副權威的樣子表示：「通常哄人瞓覺...嗰個都係自己瞓先，哄我個仔瞓覺，好好笑，到最後，阿仔話番畀我聽『Daddy，你知唔知噚晚係你瞓先，仲要有鼻鼾。』哈哈哈！幾陰功！老婆知我有鼻鼾，佢唔會同我分房瞓，總之我瞓瞓吓，有人『星』巴我，佢打咗我一吓，鼻鼾就會停一陣，所以一晚我畀人打好多鑊！太太都有鼻鼾...聽到伴侶鼻鼾聲係一件幸福事。」

亡妻後成帶子洪郎│林子博帶一對子女移民英國生活 「夢該醒了 是時候做該做的事」【下一頁】

杜挺豪籲林子博小心一點，擔心他患有睡眠窒息症，林子博說：「算啦！如果因為瞓覺而走咗，其實係一種福氣。」杜挺豪：「講就係咁講啫，咁我都唔想有位兄弟咁樣走咗吖嘛！」

杜挺豪建議林子博戴呼吸機睡眠，這時黃女士再留言：「我有朋友每晚用機...子博你試吓同我瞓，睇吓有幾大聲（鼻鼾）。」林子博笑說：「你曳曳！」杜挺豪笑指：「嘩！挑逗...發生咩事呀？呢度唔係交友app！」李婉華助攻：「子博係好男仔，好好先生，又係好爸爸。」

新居開箱│林子博帶子女移民英國一年搬竇 四房智能獨立屋否認越住越豪【下一頁】

{{hket:inline-image name="327375539_580058390650963_204084354296145373_n.jpg"}}{{/hket:inline-image}}

誰知黃女士竟然豁出去，留言附上自己的電話號碼，林子博看到了，稱道：「仲係英國電話號碼，好近呀！我記得你好似話有另一半。」李婉華：「有情夫？好小事啫，大家高興咪得囉！」黃女士指自己未婚，李婉華隨即邀請對方live現身，杜挺豪笑說：「我同婉華會叫聲阿嫂！」可是黃女士突然怕醜，不敢亮相現真身，留言指自己「I am half sleeping...」李婉華笑說：「Half sleeping仲性感，呢個樣先吸引，唔好搞到咁『行』仲好，良家婦女啲，住家菜咁出嚟就啱晒，子博開始流晒口水。」林子博好興奮︰「你知唔知成村人等緊你個廬山真面目？快啲入嚟！」黃女士似乎被嚇親，留言「No la no la」，最後都沒有現身。

事後，《晴報》聯絡身在英國的林子博，他笑言未曾遇過瘋狂fans，但試過遇到沒有禮貌的，就會被他封鎖。對於黃女士要求跟他同睡聽鼻鼾聲，林子博笑說：「玩啫，呢個網民係我哋嘅忠實fans，佢講笑啫，梗係唔係啦！但我兩個拍檔婉華同Derek（杜挺豪）好認真囉，佢哋好認真咁幫我物色，低能㗎！」問他可會準備接受新戀情？他說：「有先講啦，我唔只係阿叔咁簡單，我仲有兩個細路，同埋有啲人會好關注第二春係咩人，同我拍拖嘅人會有壓力，隨時被人起底㗎喎，大佬，咪搞！」林子博坦言如遇新戀情，未知一對子女會否介意或者抵抗。

{{hket:inline-image name="279742380_497332168786709_2119886356176663184_n.jpg"}}{{/hket:inline-image}}

撰文：娛樂組
 

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】