RubberBand 3月歐洲巡唱兼拍紀錄片 與散落各地香港人約定再見講Hello

「說了再見，約定再見，終於再見！」是樂隊RubberBand 2021年一曲《Ciao》的歌詞，特意為一班打算去覓新天地的香港人「送行」。2023年，RubberBand與散落於世界各地的香港人「約定再見」，3月份展開以《Ciao》為名的世界巡演，並選擇以歐洲作為首站，跟各地朋友說聲Hello，實現2021年於演唱會上的承諾，與找到新天地的樂迷重逢。

{{hket:inline-image name="DSC04881.JPG"}}{{/hket:inline-image}}

同場加映：新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」

{{hket:ul-video id="7598"}}{{/hket:ul-video}}

3月之旅亦是RubberBand成軍以來，首次的大型巡迴音樂會，第一站將會去到英國倫敦及曼徹斯特兩大城市，隨後緊接有德國柏林和荷蘭的阿姆斯特丹，主音6號直言得知將要舉行巡迴音樂會的消息時，需要好一段時間來消化，他表示：「今次有一種好大嘅期待，嚟睇我哋嘅觀眾，應該好多都係喺呢段時間離開咗我哋呢個城市嘅香港人，呢種團聚一諗起係好感動，將《RubberBand Ciao 2021》完滿埋佢。」門票於當地時間2月17日上午11時起於 ticketmaster.nl 公開發售。

{{hket:inline-image name="DSC06770.JPG"}}{{/hket:inline-image}}

{{hket:inline-image name="DSC06669.JPG"}}{{/hket:inline-image}}

黃心穎無預警轉戰做跳唱歌手 新歌《Crown me》20秒預告推出【下一頁】

黃心穎同泥鯭拍住拖睇世界盃 陪謝茜嘉打邊爐齊撐摩洛哥入四強【下一頁】

倫敦和曼徹斯特的兩場演出，均可能容納過萬觀眾，至於德國柏林及荷蘭阿姆斯特丹的兩場，主辦單位及RubberBand更安排了全企位演出，務求與樂迷作超近距離接觸。但要將一個大型演樂會移師到海外舉行絕非易事，6號直言對自己的體力是一大考驗：「因為喺香港做嘅時間，有啲咩去應對，都有呢度嘅同事、手足幫我哋手。我哋成個團隊坐飛機去到咁遠嘅地方時，好多都要靠自己，既興奮又有啲緊張。」

而今次是成軍以來首個大型巡迴演出，對於RubberBand來說都是十分鼓舞，終於達成心願，他們異口同聲說：「我哋始終係一隊樂隊，心入面有好多殿堂嘅樂隊，佢哋都會行巡演嘅路，我哋組成樂隊以來、出道以來，終於achieve到呢件事。」出發前，大家都會作好準備，6號表示會調整好自己身體，確保有足夠的休息。由於屆時人在外地，不能如在香港舉行音樂會時，請得針灸師為其放鬆肌肉，故6號表示或會向相熟的中醫預先拿取能紓緩喉部及聲帶的中藥。不過，為了保持最佳狀態，他們未必能趁機會與當地好友相敍，6號先跟各位道歉：「見面又要傾偈又要通宵達旦，甚至乎食嘢開心嘅聚會，但我自己作為主音，可能都會適度地避免去得太多，但都會見啲朋友嘅，只係避開唔太密集咁見，以免影響聲帶。」

已成軍16年，RubberBand已計劃把巡演帶到更多地方，計劃將於稍後陸續公布。為了紀錄這件大事，6號最希望隨團的攝影團隊能為他們好好紀錄一切：「呢個係深情嘅紀錄，真係見證我哋穿洲過省去唔同國家，嚟到英國、德國、荷蘭去做呢個演出。我心入面係覺得將整個巡演過程拍成一個紀錄片，係一件好正好正嘅事嚟。」他表示將來公映也好，於網上播放也好，總之不想浪費這個特別深情、而且一個成就實踐的紀念。完成荷蘭站後，6號計劃到波羅的海三國或是東歐的波蘭旅行叉叉電。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文：王連連