江若琳初孕期見紅變輕勁擔心 蕭唯展受氣做外賣仔：完全冇問題

江若琳（Elanne）早前在社交網上載拿着BB衫仔和BB的超聲波照片，宣布和結婚四年的老公蕭唯展造人成功。Elanne嘅BB現時已5個幾月，預產期會喺6月份。日前Elanne就喺佢個人YouTube Channel發布咗新片，同大家分享佢初孕期嘅經歷。

同場加映：  MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

大家都知Elanne同蕭唯展呢胎得來不易，二人多年來不斷調理身體，先終於有好消息。Elanne分享佢頭3個月孕期嘅心路歷程，仲帶大家「一齊」做產檢。10月25日蕭唯展親自車老婆做第一次產檢，Elanne喺車上表示：「心情幾緊張，原本唔係今日，係過幾日，但因為尋日有少少見紅，我哋好驚，即刻打畀護士，我哋想聽日嚟。」蕭唯展就故作鎮定話唔會緊張，但就畀老婆踢爆：「唔緊張？尋日我見紅呢條友勁煩，叫我唔好再約人出街，唔好再自己搭車「凳凳凳」……又係咁問我有冇問邊個意見，咁正唔正常……又叫我唔好有任何差池。」呢個時候蕭唯展就插嘴：「你孭唔起呀！」之後Elanne就笑老公：「咁又係呀，你老來得子。」老公都不甘示弱，話太太係「魯莽生豬」，二人互動非常搞笑。

{{hket:inline-image name="1010.JPG"}}{{/hket:inline-image}}

Elanne表示夫妻二人第一次聽到BB心跳都覺得好感動，終於覺得個心踏實啲。Elanne表示去到第七周時，開始有孕吐同埋覺得好攰，一日瞓17個鐘，食飽就瞓。另外，胃口仲唔係太好，即使肚餓都係諗到食物就想嘔，口腔長期覺得酸苦，永遠只有「乾嘔」同嘔白泡。Elanne仲分享佢完全唔想食住家飯，可以引起佢少少食欲嘅只有酸辣粉，車仔麵等濃味食物。Elanne透露呢段時間佢體重不升反降，令佢非常擔心，不過醫生就安慰表示頭3個月母體會有「蛋黃」為BB供應營養。

Elanne之後再分享BB十周時終於見到手腳嘅超聲波相，令佢覺得一切辛苦都好值得。Elanne呢段時間都有多飲湯水同食葉酸、鈣片、DHA以及孕婦益生菌四種營養補充品。Elanne指自己呢幾個月因為荷爾蒙影響情緒波動得好緊要，好容易喊；老公發出較大嘅聲響都會令佢好大反應。

做老婆嘅情緒回收筒，蕭唯展都現身說法：「冇問題完全，我哋應該包容。佢想食咩我都買畀佢食，有時收工佢會問我喺邊區，佢會自己搵番嗰區佢想食嘅嘢，所以係大家都要就，其實我老婆都好好，會就番我喺邊度。」

日前Elanne接受訪問表示佢哋仲未買BB嘅用品：「因為我同佢都係嗰啲今日月煩腦今個月嘅事嘅人嚟，變咗我哋仲未買。至於BB係男定女，我同老公係知，不過我同佢就想遲啲先宣布。（老公服侍周到？）簡直係帝王式享受。基本上而家係要風得風，要雨得雨。相比以前我係照顧佢多啲，佢要咖啡，我就要即刻走沖俾佢飲。佢要水，我就要即刻倒俾佢。而家同佢出街，佢對我非常無微不至，會留意四周，驚我整親。」

圖片來源：江若琳 Elanne YouTube截圖