新四十二章｜鄭家生唔演惡人轉做「護花使者」 劇中曬真功夫 難忘與糖妹打通宵

《新四十二章》由陳豪、龔嘉欣（Katy）、鄭子誠、江嘉敏、周嘉洛、鄺潔楹（Judy）、譚凱琪（Zoie）等主演，監製陳維冠Joe在劇中給予新人及綠葉不少發揮機會，如都叔（鄭家生飾）亦難得有幾幕可以大曬矯捷的身手！

同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念

{{hket:ul-video id="7642"}}{{/hket:ul-video}}

{{hket:inline-image name="SKP04881_600.jpg"}}{{/hket:inline-image}}

早前一集講及柯太（馬海倫飾）患夢遊一幕相當搞笑，在鄭子誠聲演的「數理情人」聲線「催眠」下，備受失眠煎熬的柯太終有覺好瞓，但卻驚現夢遊。而「路過」的都叔（鄭家生飾）為怕柯太生意外，全程跟實兼先後施展「半空翻騰」、「擒拿手」等絕技保護柯太，身手矯捷令網民大感驚喜，留言大讚「世外高人」之餘，更指「12成員」又多一名異能人士。

問到66歲的他為何至今仍能Keep得如此健碩兼敏捷，他簡而精回覆：「食嘢七分飽，拉筋兼慢跑。」並透露全劇最難忘是與糖妹一場對打戲，二人足足打了一個通宵，家生還大讚糖妹專業又厲害，令人期待。

現年66歲的鄭家生，70年代加入無綫任職武術副指導，之後又曾為四哥（謝賢）、爾冬陛、狄龍等人做過替身，後來獲賞識走到幕前演戲，他受訪時直言起初壓力非常大，他說：「三句對白畀我，真係會好緊張，我寧願打十幾招，好彩後來慢慢適應到。」

{{hket:inline-image name="10_600.jpg"}}{{/hket:inline-image}}

由於樣子惡形惡相，鄭家生經常被無綫安排飾演惡漢，是「TVB御用惡人」之一，更自嘲照鏡時都覺得自己似殺人犯。「演咗幾十年都習慣喇，冇話厭唔厭，幾十年做過幾百角色，只係黑社會就最經常做。我都想做好人，不過導演同監製全部都唔搵我做好人，一有黑社會角色就諗起鄭家生。」不過，睇鄭家生在《新四十二章》的角色似乎並不是一名壞人，或者可以打破他「TVB御用惡人」的稱號？

撰文：娛樂組

圖片來源：《新四十二章》截圖、FB圖片、《晴報》圖片