沈殿霞逝世15周年昔日影片翻出 原來一早開綠燈畀欣宜入行

有「開心果」之稱的肥姐沈殿霞，在娛樂圈地位超然，可惜2008年因病離世，享年62歲。今年是肥姐逝世15年，無綫Facebook「TVB大寶藏」今日播出舊片段，是1989年《歡樂今宵新幹線》由陳敏兒負責的訪問，藉此同觀眾懷念不可代替的肥姐。

{{hket:inline-image name="02172003.jpg"}}{{/hket:inline-image}}

{{hket:inline-image name="800_e1baee7da327b540ea8529e119b1a3df.jpg"}}{{/hket:inline-image}}

同場加映：新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」

{{hket:ul-video id="7598"}}{{/hket:ul-video}}

肥姐在節目內分享她入行的經歷，「我記得我仲讀緊小學六年班，12歲幾，偶然睇到報紙一則廣告，話邵氏公司招考肥仔肥女童星，嗰陣時我已經163磅。當時就『𦧲』媽媽帶我去考，我想試吓去拍電影，但爸爸就後對，而媽媽就心諗『橫掂都唔得』，畀我去考一次，考唔到就會心死，點知我一去考就得咗！」

《霎時再感動》│鄭裕玲憶與沈殿霞笠垃圾袋避雨 肥姐曾開聲指導助成長感幸運【下一頁】

至於第一次拍電影的感覺，肥姐很有印象，「嗰個導演好好，第一個鏡頭就捉我心理，知道咁肥梗係好為食！第一個鏡頭就擺碟羅宋湯喺我面前，叫我唔好用手攞匙羹飲，就咁低頭搏命用口去飲，佢一嗌開始就我搏命去飲，啲表情自然就好生鬼，跟住佢嗌cut，然之後先拍板（場記板）。咁我由一開始已經唔知道驚，矇查查就做到今時今日。」

沈殿霞離世14周年丨鄭欣宜憶細個頑皮被肥姐打完再𠱁 「人越大越珍惜佢那種不離不棄」【下一頁】

肥姐第一部拍的電影是《播音王子》，至1967年左右粵語片開始式微，經薛家燕介紹之下認識蔡和平，因緣際會加入電視圈行業，「佢哋一早就有個概念要製作一個綜合性節目，心目中要搵一個肥女人拍波叔（梁醒波），咁就開始咗做《歡樂今宵》。初初入嚟無綫，佢哋話『今日你訪問邊個』、『你諗住問咩問題？你自度啦』，到做趣劇又係，『你哋自己幾個度掂佢』…我好鐘意做電視，尤其係現場節目，係對自己一種挑戰，如果你做得好，事後會好開心。」

（↓點擊放大睇圖片↓）

訪問片段中，約莫兩歲的鄭欣宜亦有出鏡，肥姐有講出對寶貝女的睇法，「我唔會太過強迫佢做佢自己唔鍾意嘅嘢，如果做啲嘢唔啱，我就會同佢講道理，我會畀佢三次機會。（點睇佢將來嘅發展？）梗係希望佢有正常教育啦，等佢讀完書之後，如果興趣係好鍾意做我哋呢行，我唔會阻止。我喺呢個圈都經歷咗唔少。我認為一生人中最大嘅挫折，都係自己婚姻，而家最困難時期過咗，我要賺多啲錢，做好我嘅事業，畀心機教好欣宜，相信呢啲係我最大願望。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】