不少樂壇前輩歌手未成名前,都有在唱歌廳、酒廊、夜總會表演的經驗,例如有徐小鳳、羅文、梅艷芳、馮素波、吳香倫等等。大家必定想起他們穿上華麗的晚裝、手持化妝箱、匆匆忙忙趕開工的畫面。劉雅麗與媽媽曉華日前接受李婉華YouTube頻道訪問,講起昔日走場唱歌的日子,曉華笑指1966年已經月入2200元。
同場加映:MIRROR未能合體丨AK交代姜濤冷親腳傷有待痊癒 Stanley爆佢身形:瘦咗啲
曉華曾經客串演出《愛回家之開心速遞》,飾演闊太素波。其實曉華在60年代開始,已經在夜總會做駐場歌手,歌聲非常動聽,她說:「我唱英文歌出身,70年代台灣歌侵入香港,喺歌廳唱英文歌,老人家唔鍾意聽,所以咪要唱時代曲囉,有時我會做邵氏幕後代唱,又會唱黃梅調,《郊道》、《訪英台》等等。」
如果可以一晚走幾場,收入真的殊不簡單,曉華續說:「夜總會係出月薪,每晚都要喺現場,但有幾個歌星輪住唱,兩班band,有9個字休息,我哋趁休息時間就走場去歌廳繼續唱;歌廳7點幾鐘開始,夜總會9點幾開始,先唱歌廳,叫人畀我唱先,然後趕去夜總會,再趁休息時間就去歌廳第二場唱兩、三首歌。」
夜總會在彌敦道,而歌廳在港島區,一來一回加埋表演要用45分鐘時間,而且當年還未有海底隧道,真的相當急趕,曉華憶述:「真係急到不得了,著住套晚裝,等巴士去天星碼頭(過海),唔等的士,因為酒樓散場,好多人搭的士。巴士埋站即刻跳車,著住高踭鞋跑去碼頭,架船去到香港嗰邊,架船就嚟埋位,水手拋繩嘅時候,塊板慢慢落嚟,我已經跳出去,真係好趕。交通真係令你嘥好多時間,日日都係咁跑,氣都未唞完就要唱。」
《愛回家》Terry愛上老太婆波波閃「分」 73歲曉華真‧囡囡唔係楊怡而係...【下一頁】
曉華指方逸華、蓓蕾是她的前輩,她才有機會去漢宮夜總會唱歌。劉雅麗補充:「60年代夜總會分兩種,一種係中式夜總,一種係日式夜總,中式夜總會即係酒樓夜總會,日頭可以飲茶食點心,只係夜晚有band、舞池,中式夜總會係一家大細去;日式夜總會,即係睇《古惑仔》電影,叫做有小姐陪,例如中國城、大富豪,所以日式夜總會,細路哥就唔入得。」曉華初出道,已在東方舞廳和杜老誌舞廳獻唱,她指老闆黃球很好,1966年時已給她1000元月薪,「出手真係好闊佬,不過佢唯一要求逢星期六、日過澳門唱,因為佢喺澳門開咗杜老誌舞廳,唱咗半年,有人介紹我去漢宮夜總會,所以我冇去澳門嗰邊唱,漢宮夜總會畀我1200蚊,加埋2200蚊一個月,但當時使好多錢,因為要做晚裝,老闆話『我哋漢宮係香港第一間有彩色燈光、有個台伸出嚟』,所以我要著珠片衫,點都要做4、5件。」後來卡拉OK興起,令夜總會開始式微。
【有苦自己知】劉雅麗18歲起爆瘡:見到自己想喊 登台曾被灌酒笑笑口打完場【下一頁】
曉華歌聲動聽,談到遺傳靚聲給女兒劉雅麗,一首《我和春天有個約會》唱到街知巷聞,曉華笑指從來沒有訓練女兒,劉雅麗說:「刻意追求就冇,參加過《新秀》、去唱片公司試音,被人奚落完一輪『肥咗啲喎,皮膚差啲喎』,跟住bye bye!」她笑指媽媽也不太支持自己入唱片公司。下月22日,她們兩母女將在文化中心舉行「我和媽媽有個約會」音樂會。
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】