顏國樑住公立醫院遭護理員呼喝 激動呻：要臨終病人帶住怨氣走？

顏國樑去年11月現身無綫台慶，當時發現他聲線變尖，他透露患上第三期鱗狀細胞癌，現時要接受治療。日前，顏國樑亮相梁安琪「Rock Angel Band House」直播，他表示腫瘤已經縮小，可惜在公立醫院治療期間，竟遭護理人員呼喝。

同場加映：新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」

{{hket:ul-video id="7598"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="13.JPG"}}{{/hket:inline-image}}

他表示在公立醫院治療，由於病房內的冷氣不足，於是他要經常抹身，還使用病房的洗手盆，「我洗洗吓，有個大媽（病人服務助理）『你唔用得！』另外啲人話『雖然係好熱，不過你著番件衫。』我係熱到要除衫，所以我去抹身，咁條毛巾要洗㗎！第二日，有個男嘅埋嚟，『你唔可以用呢啲！呢啲你唔用得！』我𢲷晒頭，病房入面嘅洗手盆，我唔用得？忽然間聽到啲咁刺耳嘅說話，我話『不如你畀份病人入院手冊畀我睇睇啦，我唔想犯規呀！』佢話『總之你唔用得啦！』我呆一呆，跟住有個護士走埋嚟話『得㗎喇，你洗手啦，唔整濕就得㗎喇！』叫嗰個人出番去，我洗完想追出去，點知佢走咗。」

顏國樑變聲揭患第二「惡」皮膚癌 望延續「陳積」精神：死後有啲意思【下一頁】

由於當時要吊鹽水，恰巧他人有三急，但他未能獨自走去大洗手間，只好要求護理人員幫忙，最後讓他用尿壺解決，但遲遲未有人替他清理。苦等期間，發現鹽水原封不動，他說：「跟住院長級入嚟，我話『鹽水一滴都冇滴過落嚟！』當堂嚇到嗰啲大媽收聲，我話『而家正式投訴。』一個鐘後，有四部機推入嚟，只要鹽水唔滴落嚟，部機就會響。」

萬千星輝賀台慶丨順嫂陳積驚喜現身勾起集體回憶 顏國樑聲沙爆鱗狀細胞癌正做化療【下一頁】

{{hket:inline-image name="11_600.jpg"}}{{/hket:inline-image}}

顏國樑接受免疫治療和化療，過程要先付款才會送藥去病房，但這個步驟需要兩小時，顏國樑決定在等藥期間先吃東西，點知被病人服務助理用呼喝語氣訓斥，「你要食嘢要講呀！」顏國樑續說：「我忍一忍，第二次等咗七個鐘，我帶樽水去，但冇帶藥去，我咳，忽然間啲大媽又走埋嚟話『因為你咳呀，而家要整個屏風擋住呀，人哋投訴！』佢嘅態度實在太離譜，好難頂，我心諗假假哋顏國樑，喺香港都叫做有啲聲望，話晒係明星，我哋有頭有面都畀你咁樣呼喝。」他立即要求見當值經理，但都是沒有作用。面對一切無理、不友善對待的顏國樑，他激動一問：「要俾人呼呼喝喝，係咪令到臨終病人都要帶住怨氣走呢？」梁安琪聞後表示會替他寫信醫管局反映。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】