相隔5年之後，梁詠琪上星期五起在紅館舉行一連三場《梁詠琪Gigi時間遇上我們演唱會》，吸引許冠傑、蔡卓妍、許如芸等人捧場睇騷。而台上亦星光熠熠，分別有張敬軒、鄭秀文和呂爵安等人擔任表演嘉賓。連日來社交平台都有大量演唱會的精華片段或相片流出，有讚當然有彈。當中商台DJ梁文禮在IG限時動態貼出演唱會相片，讚道「好靚」還配上一個心心眼的表情符號，同時有傳媒發現梁文禮私人FB持相反意見，狂踩演唱會流程，批評梁詠琪唱功甚至連服裝都踩，形容睇到坐立不安。
好多人批評梁文禮是「雙面人」，梁詠琪昨晚尾場傾力演唱，面對批評聲音竟比外人冷靜。峰迴路轉，梁文禮今日在電台開咪立即澄清，表示自己已經以長文短訊向梁詠琪道歉。
同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念
電台DJ梁文禮於私人帳戶內寫出對演唱會的真實心聲，「個flow差，歌編得差，舞差，當然佢唱得差啦。其實都預咗，但係無諗過咁離譜，唱K咁！連《愛自己》都入唔到呀大佬，我全晚都睇得好猛（忟），坐立不安......唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件『着上一張抹完鼻血嘅紙巾』咁。」網絡上有很多演唱會片段流出，可以見到梁詠琪落力地唱，唱到《灰姑娘》時十分投入，甚至肉緊得身為向後彎，但是遇到高音位時，也實在有點吃力，台下歌迷照單全收，落力拍掌和應支持。
DJ梁文禮私人FB狂數梁詠琪演唱會 「佢唱得差其實都預咗」被斥雙面人【下一頁】
完場後，梁詠琪接受傳媒訪問，一點都沒有受批評影響，意見接受，坦言自己都知道有進步空間，沒有影響心情開騷，稱︰「唔緊要，有時一部電影上（畫）有好評價亦有唔好的評價，唔緊要，我只要當中盡咗最大努力，每個意見接受。仍然認為自己有好大進步空間，仍然不斷力求進步。」當追問是否認為梁文禮是「雙面人」，她倒說不太認識對方，「其實我冇睇，私下都唔係好認識，唔使理會咁多，做好眼前工作就夠。」（認清楚一個人？）她繼續EQ高回應：「唔係好關我事。」
今午，梁文禮如常與謝茜嘉主持商台節目《叱咤樂壇》，後者先打開開場白：「有主持人去睇完演唱會，搞到滿成風雨，而家等佢講一下。」梁文禮表示自己繼續坐在直播室開工，並說：「我想對團隊，對梁詠琪講句唔好意思，第一日睇完好肉緊喺自己平台寫咗應該點做，有少少意見，之後傳媒話狠批。一個演唱會有好多面向，觀眾有自己選取。如果之後演唱會會出DVD我都想睇多次，我接收好多樂迷說話，問係咪睇唔到啲乜，可能我座位角度有啲嘢睇唔到，想欣賞多次。」他十分有誠意，找來同事DJ雲妮幫手，轉發長文訊息給梁詠琪解釋：「我冇佢聯絡電話，透過雲妮send咗好大段文字道歉，我有話點解咁肉緊講，內容唔諗住公開。我想話由佢過去四次紅館演唱會，甚至做許冠傑演唱會，佢出唱片、派台歌我都有細心聽，我唔係作為outsider或所謂主持去狠批，我係一路好鍾意佢啲歌，啲歌陪伴我生活、經歷，同埋面對種種問題，肉緊聽先會有回應，其實向梁詠琪示愛，好支持佢，希望之後可以見面，唔係樹敵，歡迎佢之後上嚟我哋節目傾偈見面。」
其後，梁詠琪經理人回覆：「Gigi剛完成演唱會，我讓她這幾天在家好好休息。事情就讓它告一段落吧！謝謝外界對演唱會的好評，整個團隊都很振奮，Gigi也在不斷力求進步，大家有目共睹。大家都放低向前行吧」告一段落吧！謝謝外界對演唱會的好評，整個團隊都很振奮，Gigi也在不斷力求進步，大家有目共睹。大家都放低向前行吧」事件亦告一段落。
另外，提到演唱會表演期間差點絆倒，梁詠琪表示穿了2吋幼踭高踭鞋，「為咗安全，我行嗰陣已經小碎步，開騷前有拜神，都係為咗大家一切安全，總算如願以償，有驚無險。」她表示開騷前，練習時會感到洩氣，懷疑人生，丈夫身旁不斷鼓勵，「我會強迫自己進步，有時去到瓶頸位，諗自己做唔做到？先生會叫我唔使諗咁多，相信過程帶畀你嘅嘢，鼓勵我。」
梁詠琪心繫著愛女Sofia，籌備演唱會時有一段時間沒有照顧她，演唱伯結束，翌日做回賢妻良母，說：「我落台，阿女第一樣講點解冇多謝佢？話我只係多謝Daddy，我話多謝家人已經包括你。我勤於練習唱歌，成個月冇接佢放學，聽日補番數，佢明白，有少少呷醋，好正常。會回復正常，會冇事喇！聽日學校見。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：倪小珊
撰文：娛樂組