周奕瑋遭好友麥美恩踢爆新戀情？ 鐵口否認戀陳嘉慧：只係熒幕CP

香港對外通關後，TVB的旅遊節目拍攝陸續恢復正常，周奕瑋（Jarvis）早前跟同樣操流利日文的陳嘉慧（Erica）出發到日本，拍攝《請一日假去旅行》，期間不斷「放閃」曬合照，又在情人節當晚分享甜蜜合照。當Jarvis出Po聲稱麥美恩生日所收到的花，不是他送的，沒想到女方的留言引起網民幻想，她這樣說：「我仲未問完你啊！但多謝娛樂大家咁開心 #處女座」。網民留言追問：「我估你係問佢係唔係同Erica拍拖嘛！」

同場加映：流水落花︳鄭秀文人生感圓滿唔恨被嗌媽媽 陸駿光體會做天后老公有壓力

{{hket:ul-video id="7639"}}{{/hket:ul-video}}

周奕瑋受器重拍曾志偉飛日本 陳嘉慧飛首航拍節目同機仲有佢？【下一頁】

{{hket:inline-image name="332538369_1161800591200784_6732450038314105799_n.jpg"}}{{/hket:inline-image}}

{{hket:inline-image name="332177692_1033759144268007_3431631977322230955_n.jpg"}}{{/hket:inline-image}}

周奕瑋今日出席《請一日假去旅行》記者會，對於突然被爆緋聞，他表示：「成件事始作俑者係麥美恩，佢生日派對冇嘢搵嘢搞，佢覺得我以往拍旅遊節目好少Po咁多相，一定有古怪，但佢唔明白平時我成日一個人拍節目，點影呀？上次我同吳業坤都影好多合照㗎啦，佢選擇性唔睇之嘛！擺明佢想將自己單緋聞轉移視線落我度啦！大家唔好再信麥美恩講嘅說話！」

{{hket:inline-image name="23f6a40f-6554-4766-a604-224ce335b3c6.jpg"}}{{/hket:inline-image}}

周奕瑋表示第一次同陳嘉慧合作拍旅遊節目，兩人早已在兒童節目上認識，各自拍過旅遊節目，所以合作起來相當有默契，說︰「最開心係大家都識日文交流，訪問完餐廳師傅，唔使再翻譯一次畀拍檔知道。我哋只係工作上拍檔，今次旅遊特輯去三個地方，咁啱得我哋係男女組合拍檔，起初係希望有少少CP感覺，令觀眾睇我哋好似睇緊日劇咁樣。」

萬千星輝頒獎典禮2022︳周奕瑋委以重任做司儀講足全晚 形容係越級挑戰：感謝無發台瘟【下一頁】

問到跟陳嘉慧是否有發展機會？周奕瑋說：「首先我哋年齡差太遠（男女相差13載），如果拍拖，我會選圈外人，因為做藝人時間好難遷就，我都係容易呷醋嘅人！（但你情人節出Po？）我要澄清個Po係2月15日，點解呢個敏感時間出？純粹係因為當日幕後同事剪好第一集，睇完感覺好正，而且我帶去嘅菲林相曬好出嚟，明明係15號，大家選擇性去調較時差。」

問到是否考慮發展？他笑言：「我要重新考慮同麥美恩嘅友情，（網民讚你兩個好襯）同麥美恩？唔係啩？如果係話陳嘉慧，咁我同陳嘉慧拍節目時CP感的確好重，只限幕前CP！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉