呂方嫌餅印女兒個鼻唔似自己 成日出手捏高鼻：佢細個唔識反抗

呂方早前接受由薛家燕、范振鋒和思敏主持的新城節目《開心大派對》訪問，談及兩歲半的女兒呂晨（Emma）時，向來說話不多的他，竟然變得滔滔不絕，他笑言早已被女兒融化，他說：「天賜畀我，真係估唔到人生最快樂係呢段時間。」

同場加映：新四十二章丨戴耀明獲提名對年邁母親有所交代 入行30年終被看見：獎項是人生紀念

{{hket:ul-video id="7642"}}{{/hket:ul-video}}

{{hket:inline-image name="12.jpg"}}{{/hket:inline-image}}

{{hket:inline-image name="13.jpg"}}{{/hket:inline-image}}

提到女兒出世後，呂方發現她跟自己很像樣，他說：「首先係外貌，佢嘅單眼皮似足我，但佢對眼大過我嘅，因為似媽媽，佢識揀呀！但係佢個鼻唔似我，我唔係讚自己呀，我個鼻夠高夠挺，佢細個唔識反抗吖嘛，我就日日捏佢（鼻樑），而家佢就會撥開我隻手，我同佢講『唔係呀，你畀我捏啦，你睇吓爸爸（指一指又高又挺的鼻樑）！』」他又指女兒似他一樣很愛吃。

呂方親子裝為餅印寶貝女慶生 Emma臉圓圓 單眼皮 好可愛【下一頁】

呂方笑指自己本身是一名硬漢，但有了女兒後，立即變得柔情似水，成為女兒控，他笑說：「講嘢從來都唔會咁嗲，真係前世情人，尤其是生女。」他還表示一定會親自替女兒洗澡，「佢細個嘅時候，我又唔放心，姐姐（傭人）抱住佢，我咪幫佢沖，因為我驚姐姐沖得唔乾淨，咁我就好小心咁洗頭，跟住餵奶，佢朝早5、6點就醒，我哋冇咁早醒㗎嘛，都要習慣，眼袋大，都唔理喇，唔知點解我又要搶住嚟餵喎，掃風又唔敢太大力，驚震親佢，又試過帶佢去厠所，不過換尿片就試過一次啫，因為我整得唔乾淨，而且姐姐處理得好好。」

天「方」夜談丨呂方自女兒出世後生活大不同 嘆難與友飯聚：唯一樂趣都冇埋【下一頁】

{{hket:inline-image name="298668090_2074595476064578_4298104136621483604_n_600.jpg"}}{{/hket:inline-image}}

Emma日漸長大，呂方表示已擔心將來女兒結識男友，「我成日諗，個男同學擔晒煙，染晒金毛，咁點算？帶個男朋友返嚟，點呢？我又唔鍾意，你知我幾奄尖，呢個唔鍾意，嗰個唔鍾意，唔掂㗎喎，好多嘢諗！」家燕姐聽後即提示呂方，「你千祈唔好學我爸爸，我哋有五姊妹，佢一拎起電話聽見係男仔，即刻話『唔喺度！』我哋明明五個都喺度，電話都唔畀接，你唔好咁樣呀！」呂方示意很明白這一點。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】