守望相助｜柴灣婆婆清晨搭巴士不適召救護車 乘客鼓譟嫌「阻住返工」 街坊相助抱不平：每人都會老去

每人都有生病、老去的一天。一名柴灣女街坊昨日（27日）清晨搭巴士期間，目睹一名婆婆身體不適向司機求救，需要召喚救護車；惟此舉卻引來其他乘客鼓噪，嫌婆婆耽誤巴士行程，「阻住返工」。事主見狀後挺身而出保護婆婆，但婆婆一度不堪群眾壓力欲離去，卻無力落車；所幸在事主堅持下，婆婆最終得以在巴士上等候救護車前來送院。對此，事主在網上發文分享事件時呼籲大眾：「只希望大家多啲啲同理心，每個人都會老去嘅一日！」

同場加映：

Healthy Life｜每日1分鐘！ 4組動作收緊大腿+臀部 訓練身體肌肉協調性

{{hket:ul-video id="7701"}}{{/hket:ul-video}}

該名女街坊昨日於Facebook群組「柴灣人柴灣事」發帖，指當日清晨6時左右乘搭新巴82號線往北角方向期間，一名婆婆去到東區醫院站想落車時，卻突然無法站起，「落唔到車」，因而向司機求救；司機問婆婆是否需要召喚救護車，婆婆表示「需要」。此時，有幾名年約40至60歲的乘客立即抱怨婆婆：

「我哋要返工㗎，你唔好阻住我返工」、「你明知自己身體咁樣，就唔好搭巴士，坐的士」、「你而家咁樣搞到我點返工？不如搵人扶佢落車，再叫白車喇」。

婆婆一度不堪群眾壓力欲落車

事主見狀後，立即上前保護婆婆，大聲地稱：「婆婆，你唔好郁，你坐喺到，司機叫緊白車嚟。我哋遲咗返工唔緊要，但你咁樣落車，喺條街跌親，郁唔到，我地成架車啲人會唔安樂，良心過意唔去！」惟婆婆不敵眾人壓力，不斷指責自己：「我阻住佢哋返工，我落車喇。」然而，雖然她不斷想落車，卻又無力起身行走。

於是，事主只好「好似錄音機」般不斷重覆上述說話，同時不讓婆婆落車。此時，該班不斷抱怨的乘客終於安靜下來，同時亦有一名女乘客不斷安慰婆婆「唔好郁，白車嚟緊」。

事主呼籲：只希望大家多啲同理心

事主最後在文中表示，自己之所以想分享今次事件，目的只有一個：「我哋住得喺柴灣區，呢個咁多老人家嘅地方，只希望大家多啲啲同理心，每個人都會老去嘅一日！」她指出，事件中的婆婆已經身體不適，想落車卻無力做到，「其實你哋不斷向佢抱怨，發泄怨氣喺婆婆身上，難道佢就會有力落到車？就會解決到成件事？」她表示明白其他乘客要趕返工，

「但你趕住返工就可以罔顧別人嘅生命安全？設身處地諗吓，如果嗰個婆婆係你屋企人或者係老去嘅你，當你需要別人援助時，需要call白車時，其他人就抱怨你阻住佢，你會有咩感受？特別多謝今日有份幫手勸婆婆唔好落車嘅嗰位小姐！」

網民怒轟：怕遲到炒魷魚可以落車坐的士

 此事引來網民熱議，不少人對於事主協助婆婆表示感謝，同時亦為該班因趕返工而鼓噪、欺壓婆婆的乘客感到羞恥，認為他們有能力自行以其他方式趕返工：

U Lifestyle App睇盡《晴報》新聞資訊及自家節目 
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂