星光路上｜彭慧中「大器未成」自責唔夠積極 宅男女神隨時封盤：諗住生兩個

2010年參選港姐的彭慧中（Phoebe）入行後恆常主持《流行都市》之外，還有最近的旅遊節目《吃貨橫掃曼谷》。日前她接受《星光路上》潘盈慧的訪問，大談自己多年前如何誤打誤撞入娛樂圈，又表示同男朋友感情穩定，仲話隨時準備好結婚生小朋友呀！

同場加映：新四十二章丨 「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承

{{hket:ul-video id="7707"}}{{/hket:ul-video}}

Phoebe參選港姐前是一名大學生，蓋因簽證過期返港，Daddy鼓勵佢報名參加《香港小姐競選》。Phoebe直言對娛樂圈完全冇任何概念，雖然要面對排山倒海而來嘅報道同注目，呢種全新生活對佢而言非常新鮮、刺激。

{{hket:inline-image name="pang.jpg"}}{{/hket:inline-image}}

而在港姐八強止步之後，Phoebe決定加入TVB，亦慢慢得到主持唔同節目嘅機會。她初出茅廬在《森海尋寶》中第一次擔任主持，憶起︰「當時乜都唔明，攝影機機位要點呀？冇對鏡頭拍嘢嘅經驗。拍旅遊節目要講當下感受，又唔識點表達。背稿好辛苦呀，一緊張講嘢就好快，成日NG。」

{{hket:inline-image name="pang5.jpg"}}{{/hket:inline-image}}

到後來，Phoebe有機會主持清談資訊節目《都市閒情》，現場直播就令她更大壓力，而喺前輩「大王」安德尊指導下茅塞頓開，得心應手；網民稱她為「宅男女神」，大讚其修長雙腿。

Phoebe對「女神」稱號非常滿足，有觀眾認為單單擔任主持工作，浪費其才能，她就認為自己唔夠積極之過，話喺《吃貨橫掃曼谷》嘅表現係比較主動嘅其中一個印證。

其實Phoebe也期待拍劇，多年來只曾幾次客串演出劇集。她表示演戲好大壓力，少接觸係壓力來源。已經竣工新劇《你不是她》中，佢扮演媽媽，有不少內心戲，難上加難。

{{hket:inline-image name="pang3.jpg"}}{{/hket:inline-image}}

扮演完媽媽，Phoebe現實中亦渴望成為一名媽媽。她與男朋友感情穩定，仲話自己隨時都準備好結婚生小朋友，「自己好想要小朋友，諗住生兩個。（即係好快結婚？）...都係工作為先。」

{{hket:inline-image name="265137032_298713218835288_6908162766835736053_n.jpg"}}{{/hket:inline-image}}

吃貨橫掃曼谷｜高海寧彭慧中大解放全裸浸spa 陳星妤下巴變長曾惹整容疑雲【下一頁】

撰文︰娛樂組

圖片來源：IG圖片/官方提供