阮兆祥內地人氣極高「化身」發哥 粉絲激讚親民接地氣：香港屈材了

2019年時效力咗無綫34年嘅阮兆祥滿約無綫，當時阮兆祥表示想接受新挑戰，更計劃出唱片同開演唱會。回復自由身嘅祥仔除咗有做一啲電台工作之外，都有同無綫以唔同形式合作，近日隨防疫措施放寬，更到內地搵真銀。

同場加映：中年好聲音丨韋綺姍為家人毅然放棄歌唱事業 中年再出發臂助追夢者更添意義

{{hket:ul-video id="7754"}}{{/hket:ul-video}}

阮兆祥接受廣東電視台珠江頻道訪問盡訴心中話：「我一直都有一個歌手夢，我以前是一個很內向的人，平時只會讀書，媽媽看我好像對甚麼都不感興趣，她就讓我去學唱歌，她自己也喜歡唱歌，雖然唱歌未必會成為我一份很主要的工作，但我不會放棄唱歌。」

除了拍攝電視台節目之外，仲接受好朋友陳嘉佳邀請做直播帶貨，佢喺微博表示：「這次廣州的行程接近一星期 ，除了做陳嘉佳的直播嘉賓， 也接受了很多傳媒的專訪，亦跟不同的博主合拍抖音短片。往大灣區交流的計劃延誤了三年 ，終於真正落地了， 期待有更多合作的機會。大灣區，我來了！」

{{hket:inline-image name="1.JPG"}}{{/hket:inline-image}}

阮兆祥喺廣州街頭進行錄影時被唔少粉絲認出，佢亦有求必應、來者不拒，表示第100個同佢合照嘅粉絲可以同佢有親密接觸，化身「發哥」，真係公關做得好！呢個咁偶像派嘅獎勵並冇「嚇怕」佢嘅支持者，仲得到一致讚賞：「建議多來内地發展，擁抱短視頻。在香港屈材了，祖藍就係好例子」、「香港藝人都是超级級親民，唔似大陸的明星裡外三層保鏢，别講合照，那些保鏢圍到實一實都未必知道是邊位明星來咗」、「香港藝人很接地氣」。相信祥仔去到內地一定會有好滿意嘅發展。

祥仔1984年參加第二屆全港十九區業餘歌唱比賽，贏得季軍入行。後來做主持人，又獲監製安排參與《歡樂今宵》，轉行搞笑路線。1997年曾短暫離開無綫出唱片，但出碟計劃最終因為唱片公司出現人事變動告吹。

同年無綫監製梅小青搵祥仔回巢演出《樂壇插班生》。祥仔喺無綫參演過唔少角色，分別喺長壽處境喜劇《皆大歡喜》嘅時裝版同古裝版飾演游念富及劉錦，角色都非常入屋，可惜事業一直未見有大突破。直至監製劉家豪搵佢頂替當時患病嘅黎耀祥，出演《溏心風暴》凌波 (舅父波）一角，呢個角色顛覆咗佢以往搞笑形象，演技獲得觀眾肯定同讚賞。祥仔亦憑此角色贏得2007年萬千星輝頒獎典禮最佳男配角。祥仔同時亦係無綫嘅「綜藝王」，曾擔任遊戲節目獎門人系列嘅「獎老」，又與汪明荃、李思捷同王祖藍主持節目《荃加福祿壽》，祥仔亦曾經憑綜觀藝節目兩度獲最佳節目主持。

圖片來源：抖音

撰文：娛樂組