帶囝囝參觀演藝學院開放日 張繼聰不抗拒子女入娛圈

張繼聰與彭秀慧、陳詠燊等演藝學院畢業生，昨日以嘉賓身份出席母校開放日的分享會，阿聰分享與影帝梁朝偉（偉仔）合作電影《風再起時》期間的啟發。阿聰表示︰「總之導演講乜，佢（偉仔）都會好似小學生咁話知道，佢係最謙虛嗰個，真正高手係幫導演解決問題，而唔係製造問題。」

提及一對子女甚有表演慾，可會讓子女長大後加入娛樂圈？阿聰認為藝人的工作好辛苦，「真係好鍾意先好入行，今日（昨日）都帶咗囝囝（張瞻）嚟開放日，畀佢睇下學生嘅表演。（囝囝鍾意唱歌跳舞？）細女對呢方面興趣大啲，囝囝對藝術同運動比較有天份，不過等佢哋摸索下先。」另外，提及老友方力申（小方）承認與邪教受害者葉萱（Maple）拍拖，阿聰大讚二人勇敢，「Maple好堅強，小方係一個溫柔成熟嘅好男人，一定可以照顧到女友。」他又爆小方心急想介紹女友給他認識。

攝影︰林良明