聲夢傳奇2丨文佐匡帶皮蛋由北京返港生活 愛動物有靈性：唔開心會陪住我

《聲夢傳奇2》學員之一文佐匡（Sean）在社交平台不時分享他跟愛犬皮蛋的生活日常影片，皮蛋都相當乖巧，懂得聽從Sean不同的指令做動作，就算到拍攝場地變身「好奇寶寶」周圍走，只要Sean叫一聲，牠都會回到他的身邊，2歲半的皮蛋真係好乖仔。

{{hket:ul-video id="7867"}}{{/hket:ul-video}}

《聲夢傳奇2》學員Sean高大而且非常Rap得，絕對是可塑之材，他在舞台上Rap表現出色，大受歡迎，而他最愛的皮蛋都是忠實粉絲之一。Sean說：「我每次Rap或者Beatbox佢都會好High！」皮蛋是2歲半的柴犬，性格巧乖勁黐身，「平時最主要跟住我，其實邊個拎住嘢食佢就跟邊個，不過叫佢返嚟就返嚟！（性格？）佢好乖同聽話，比較冷靜少少，頂多有少少八卦同間唔中鹹濕，同其他柴犬唔一樣，大部分柴犬久唔久都會打交或者咬人，但佢完全唔會。」

{{hket:inline-image name="DSC04811.jpg"}}{{/hket:inline-image}}

聲夢傳奇2｜港韓混血兒金永衡豪宅內貌曝光 陳晉軒騎「馬」周圍走：正確嚟講係皇宮【下一頁】

Sean歸功於他在北京發展的年代，他耐心地教導嬰兒期的皮蛋，所有遞手、坐好、轉圈等指令動作大約五個月大就學識，他說：「起初佢細個磨牙成日咬人，而且比較護食，一郁到佢食物就會發惡，要慢慢教佢唔可以咁。」Sean透露原來屋企有三隻狗，年紀最大的貴婦狗是比較親近媽媽，另一隻貴婦狗就黐細佬，「皮蛋成日都被佢哋蝦，因為細佬隻狗比較惡，又容易呷醋，感覺被皮蛋搶走一半嘅愛，但皮蛋唔會同佢哋打交。」

Sean工作就算幾忙，都會帶皮蛋去散步行街街，他笑言：「佢好古惑呀，帶佢出去小便、大便，佢分好多次去，咁就拖長個時間可以出去玩，周圍搵其他大狗玩。當我帶佢去沖涼，準備入去之前佢死都唔入趴喺地，但捉咗佢入去就笑晒口咁沖涼，佢性格真係好得意。」

聲夢傳奇2｜金永衡豪宅內貌裝修高雅似皇宮 今屆學員唔少人出身非富則貴【下一頁】

{{hket:inline-image name="e75ce86b-2d5f-48a5-86c8-861a4f38b64d.jpg"}}{{/hket:inline-image}}

由於2歲半的皮蛋非常活躍，所以Sean不時會帶牠去行山散步「放電」，不過Sean笑言：「佢鍾意周圍去玩，沙灘都有去，不過唔知識唔識游水，但佢搭車好易嘔，暈車浪。」Sean透露自細就鍾意小動物，希望擁有自己的一隻老虎和馬騮，可惜法例不容許，「我覺得動物好有靈性，雖然大家唔係有共同語言，但你可以感應到，同佢哋有互動，有時我唔開心，皮蛋會趴喺我身邊。同動物一齊相處，好平靜嘅感覺。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

場地：Studio Meta
撰文：楊安莉