容祖兒巴黎玉腿被摸片段瘋傳 網民鬧爆「鹹豬手」真正身份係……

近排容祖兒獲邀到法國巴黎時裝周睇show，佢仲趁空檔時間去一轉倫敦，同老友黃偉文見面。而喺時裝周期間，祖兒被拍下一條片段，影片喺內地社交平台瘋傳，有唔少fans非常關心，覺得祖兒被抽水。

同場加映：  中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

Joey早前出席巴黎時裝周，本來獨坐喺觀眾席時，有名男士走過來打招呼合影，Joey亦笑臉相迎，十分配合頭貼頭自拍，不過該名男子與Joey合影時，好自然咁將手放喺Joey大髀上，離開前更拍了一下Joey的大髀，而整個過程Joey都係捉實對方嘅手。

{{hket:inline-image name="b41820dc4d7e79230917591b863977a5.jpg"}}{{/hket:inline-image}}

內地網民看到影片後，認為Joey係遭到「鹹豬手」，又覺得Joey捉實對方嘅手係保護自己嘅機制，防止佢再到處亂摸。唔少粉絲都表示心痛，認為男方唔規距Joey都因為場合反抗唔到，不過都有網民認為男方嘅手冇唔老實，只係反射動作，大家反應過激。有留言網民更指出，相中男子係一位新加坡攝影師，同祖兒本身認識，所以只係朋友間嘅舉動。

而翻睇JoeyIG share喺巴黎影嘅相，見到呢位被指「抽水」男子嘅合照，二人都係頭貼頭嘟嘴，一啲都冇hard feeling。原來呢位男士係國際著名攝影師Leslie Kee(紀嘉良）。Leslie Kee同過唔少香港藝人合作，祖兒2019年嘅Pretty Crazy演唱會海報造型照，正正由Leslie主理一手包辦造型、設計同攝影。Joey當年為咗呢輯相飛去東京24小時搵Leslie操刀，兩人有默契，交情又咁深，再睇番佢哋嘅合照，直頭太「疏離」添啦！