「鹹豬手」事件無綫魔術男最神秘 楊思琦眾目睽睽下被熊抱抽水

日前容祖兒同攝影師好友現身巴黎時裝周，合照中，見老友忘形將手搭喺祖兒大髀上，令到好多唔知佢哋關係友好嘅網民鬧爆對方係鹹豬手，呢次事件係誤會。娛圈都不時發生「鹹豬手」事件，當中有「羅生門」亦有「擺明車馬」抽水，唔想人誤會？切記小心保持男女之間應有嘅距離！

同場加映：

中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

TVB魔術男鹹豬手事件

苑瓊丹喺港台節目大爆TVB有男藝員借變魔術為名揩油。當時苑瓊丹列出線索：高過黃宗澤（即是180cm）、斯文靚仔、識煮幾味；常拍旅遊節目、鍾意玩魔術、曾經同女藝人秘密拍拖...網民猜測最大嫌疑人係蔡子健。由於事件越鬧越大，《東張西望》訪問苑瓊丹，她承認曾與樂易玲小姐見面，並就此事向公眾交待清楚，稱︰「我絕對唔會講人名，花邊新聞原則係開心、唔講名，以降低殺傷力。當日我喺節目中提到嘅特徵，有真有假，哪些是真？哪些是假？我唔會回應，希望對當事人有警剔作用，我已經盡量幫忙。」佢重申冇講過「魔術鹹豬手」係TVB藝人，只形容對方係「不活躍男藝人」，「我做電台節目係想畀聽眾娛樂增值，唔想掀起風波。」有指「魔術鹹豬手」事件令多位身高逾180cm男藝人受牽連，苑瓊丹講笑指佢哋錯在生得高大、靚仔、威猛又太出名...然而最後事件不了了之，至今仍然係個謎。

{{hket:inline-image name="5e5a6d1956940475a7bc57c96ea06a51.jpg"}}{{/hket:inline-image}}

官恩娜爆有男藝人借醉行兇

官恩娜大爆，出埠拍TVB劇時，有女藝人向佢訴苦，話有同行男藝員飯後借醉上下其手。曾與官恩娜合拍電視劇《酒店風雲》的藝員包括馬德鐘、郭政鴻、吳卓羲；郭可盈、姚子羚紛紛列為嫌疑與受害人物。其中郭政鴻嬲爆話要出律師信，TVB高層對此事大為震怒，樂易玲命令官恩娜封口。最後後者於2009年2月10日透過TVB向各大傳媒發放聲明，向受影響的藝人道歉，並多謝公司無綫的體諒及支持。

陳浩民攜孕妻開記者會

陳嘉桓（Rose）於中國橫店拍攝王晶電影《笑功震武林》，與洪天明、馬德鐘、陳浩民一眾台前幕後宵夜期間，被陳浩民強吻及施龍爪手，之後到馬德鐘攬住陳嘉桓。事後女方素顏開記招兼報警，陳浩民初時自稱「好客」，後來佢同大肚妻蔣麗莎開記招，陳浩民流淚道歉。而馬德鐘就指當時係安慰陳嘉桓，被各界指責佢當時對陳浩民嘅行為視若無睹，未有施以援手。 

王秀琳坐車被擒

2004年尹天照、陳寶轅、王秀琳合作拍亞視劇集《我和殭屍有個約會3永恆國度》，而王秀琳9月開記招，指1個月前參與多人飯局後坐尹天照車返屋企，被男方拖手、強吻兼伸手入衫，報警求助。尹天照堅稱無辜，並且唔介意同女方對質，最終無被警方起訴，事件不了了之。

海俊傑被兩女星指控

海俊傑拍亞視劇《義無反顧》期間，被劉綽琪指喺片場播四仔，又被劉綽琪及吳亭欣指演強姦戲太逼真，留下心理陰影。海俊傑就質疑劉綽琪點解唔報警？暗串對方博宣傳。

楊思琦慘被熊抱

2006年楊思琦擔任模特兒，於金鐘行騷，穿上低胸透視裝並露黑bra，品牌的國際副總裁Steve Holt於台上明顯對楊思琦較「熱情」，之後當眾又攬又錫，女方尷尬苦笑，完全唔識反應。

撰文︰娛樂組

圖片來源：東星娛樂