隱形戰隊丨林子善角色最搶鏡全靠真感情 監製點名要捧紅：最重要觀眾鍾意

《隱形戰隊》播放三日，交代多個人物性格，劇情節奏明快，火速令觀眾「入局」。喬帶囡（林子善 飾）第一集交代他在行動期間中槍而截肢，要用上義肢代步，在警隊中大受輕視，淪為為同袍買奶茶，心灰意冷，好兄弟Ocean（馬國明 飾）一心想他振作做個好警察，推薦他加入隱形任務戰略部隊。囡囡的妹妹喬寶寶（唐詩詠 飾）、好友Cool Sir（陳山聰 飾）一直認為Ocean傷害囡囡，不想兩人再有任何瓜葛。

同場加映：

中年好聲音丨韋綺姍為家人毅然放棄歌唱事業 中年再出發臂助追夢者更添意義

{{hket:ul-video id="7754"}}{{/hket:ul-video}}

廉政狙擊X隱形戰隊丨林子善胡定欣兩劇分別斷腳撞橋 同樣手足反目 氣氛節奏大不同【下一頁】

{{hket:inline-image name="sin3.jpg"}}{{/hket:inline-image}}

{{hket:inline-image name="sin2.jpg"}}{{/hket:inline-image}}

{{hket:inline-image name="sin1.jpg"}}{{/hket:inline-image}}

囡囡為Ocean通宵查案，跟蹤到可疑人物，禍不單行，一時心急竟被車撞傷入院，寶寶和Cool大怒，對Ocean發脾氣狂鬧！後者指不想囡囡淪為只為夥計買奶茶的人，而是可以協助查案做後勤偵查的工作；三人爭執之際，囡囡忍不住流下男兒淚，大爆發表露心跡：「你哋兩個越保護我，我就覺得自己越廢，我只係想做個好警察！我想話畀人知冇咗隻腳，一樣可以捉賊查案。如果你兩個都唔信我，就冇人會相信我！幫Ocean查案係好辛苦、好攰，我唔介意，因為呢個係警察責任。（案件）資料喺晒度，如果你哋覺得冇用嘅，我就心甘命抵繼續返去買奶茶。」最終，隱形任務戰略部隊成功破案，囡囡立下大功。

囡囡情緒爆發，林子善大展演技，內心受盡委屈，眼見心目中最重要的好兄弟為自己而鬧交反目，滿不是味兒。不少觀眾都大讚林子善在短短三集，發揮得最好，掀動觀眾的情緒，網民紛紛在社交平台大讚他，「第三晚，依然最好睇係囡囡」、「子善今次表現得非常好」、「最佳男配角2023」等等。

隱形戰隊丨頭炮鬧市出現喪屍亂揮刀傷人 女特技人周穎箖博盡「無名」演出【下一頁】

{{hket:inline-image name="332398934_1398894320885263_8725129542675682867_n.jpg"}}{{/hket:inline-image}}

{{hket:inline-image name="332557472_603341971262862_1406638090214648692_n.jpg"}}{{/hket:inline-image}}

林子善接受《晴報》電話訪問，他說演好該場戲，全因自己、對手都是用真感情，說︰「我同詩詠、馬明、山聰戲裡戲外都係好朋友，認識十幾年嘅朋友，早就以兄妹相稱，對拍劇有好大幫助，特別係拍感情戲。我哋叫『文家班』，即係文偉鴻監製嘅班底，點解用我哋？就係好多嘢大家已經有默契，唔需要時間磨合，好真實咁呈現喺電視劇入面。」他坦言收到劇本內容，得知幾兄弟妹不和反目，開工期間都十分不開心，情緒比較沉重，幸好拍攝完畢就會放下心情，不會帶壞情緒離開片場。

提到監製文偉鴻點名要捧紅林子善，他笑言：「佢講笑啫？點會吖！我同佢2007年《兩妻時代》認識，當時佢係導演，後來升咗監製之後就搵我拍《My盛Lady》，之後9成佢監製嘅劇都有我份，而且全部角色都係有戲做。多謝佢一直栽培我，畀好多機會我去磨練同教導我。呢次《隱形戰隊》囡囡呢個角色好重，算係我25年來除咗劇集《怒火街頭》、電影《喜劇之王》之外最重戲份一套，好多謝佢畀咁多機會我，我知道機會...尤其喺TVB入面真係好難得。」對於觀眾一致好評，子善說：「最重要觀眾朋友鍾意，好多人問我恨唔恨攞獎，當然恨攞獎，如果攞獎但觀眾唔認同都冇意思，如果觀眾鍾意，獎項係錦上添花。我係娛樂圈舊嗰種模式，做藝人要做個好榜樣，正面咁影響到人哋，我就好滿足。待人接物，實事求是。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉