早霸王丨梁嘉琪頂替做主持遭網友狠批 森美開咪護航：大家太掛住Marco啫

DJ森美、阮小儀和孔慶慇（Marco）主持的電台節目《早霸王》大受歡迎，三人合作三年多時間，默契十足，為節目聽眾帶來不少有趣的火花。不過Marco決定辭職離開另覓發展，周一（6/3）森美邀請Marco返商台作最後一次「合體」開咪，並宣布Marco的主持工作由梁嘉琪接棒。不過梁嘉琪首集表現一般，惹來不少網友留言狠評。

同場加映：中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

早霸王｜森美被網友斥恃老成日鬧拍檔 Marco離巢獲邀回歸節目一日交棒【下一頁】

{{hket:inline-image name="334078533_911613426847552_1456232221596908702_n.jpg"}}{{/hket:inline-image}}

梁嘉琪由於在節目中唔知咩係魚雷，令森美要解釋一大輪，間接拖慢節目進度，加上嘉琪個人開朗經常大笑，網友對她的表現都甚有微言。「我淨係覺得今朝好嘈。可能係因為兩把女聲！」、「講魚雷講半個鐘，悶爆」、「梁嘉琪有啲衝出嚟講嘢，同感覺好似聽緊《學是學非》多過似《早霸王》！都係co爺好啲！」、「梁小姐好想喺節目有存在感，好可惜始終唔係個（嗰）範，感覺就係為搞笑而搞笑；森美真係搵錯Marco接班人，搵泰山做好過啦。」、「梁小姐，趕客，一味喪笑 」等等。

直至今早《早霸王》繼續開咪，森美主持為梁嘉琪的負評護航，「再介紹吓先，始終你都係新嚟，希望你唔好睇太多網上留言而覺得唔開心，唔係你唔好，而係大家都掛住marco啫！」梁嘉琪笑笑口回應稱：「我會好好檢討吓！」森美指不需要，「當然我都冇睇過留言，但都估到，大家接受新事物需要時間，反而我覺得新人帶畀節目有新衝擊。」

森美滑雪扮自拍影大媽除剩個Bra？ 勸人注意保暖：老婆冇睬我十分鐘【下一頁】

{{hket:inline-image name="292966164_789866908700676_1526819279412403142_n.jpg"}}{{/hket:inline-image}}

森美以直播室的三腳架做例子，他表示三腳架用作直播之用，由於位置遮擋控制員，所以腳架一邊「跛」腳，幾個月以來都沒有人理會，直至梁嘉琪「新人」駕到問及此事，他就隨手將三腳架摺好放妥，「幾個月來都冇人出聲處理過，由得佢，直至一個九唔搭八嘅梁大媽出聲就簡單搞掂咗！」至於「魚雷」的常識，森美表示事後拍攝遇到戴祖儀和另一位富家女，問及「魚雷」一事，對方都同樣不認識，森美說：「原來個個都唔知，真係怪錯咗梁嘉琪。」

{{hket:inline-image name="46065547_584420418681278_4518390951670587510_n.jpg"}}{{/hket:inline-image}}

{{hket:inline-image name="300116428_1120487541875926_1752715753401910077_n.jpg"}}{{/hket:inline-image}}

其實梁嘉琪主持經驗豐富，2005年開始就於當時的有線電視娛樂台擔任主持，隨後在無綫都有主持多個節目，最為人熟悉是《學是學非》，而他跟森美份屬好友，以往都有一齊合作擔任晚宴司儀的工作。相信新主持加入《早霸王》難免需要時間去磨合和適應，希望梁嘉琪可以越做越好，得到大家的認同啦！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

 

撰文：楊安莉