解風東京丨杜如風為節目生酮飲食激減27磅 仍被網友嫌水腫大方高EQ回應

杜如風主持的J2全新旅遊節目《解風東京》播出短短幾日，首集已經成功打破收視紀錄，成績驕人。杜如風以往無厘頭主持風格，獲觀眾受落，大讚她做自己無包袱，而且瘋狂的購物行為惹人發笑，幾乎「乜都可以買一餐」，非常可愛，對上一次旅遊節目已經是2018年，事隔5年再出擊，難怪不少粉絲都話「餓」咗好耐。昨晚杜如風開直播分享今次拍攝的點滴，原來她為節目事前特別激減27磅！

同場加映：中年好聲音丨韋綺姍為家人毅然放棄歌唱事業 中年再出發臂助追夢者更添意義

{{hket:ul-video id="7754"}}{{/hket:ul-video}}

杜如風《解風東京》收視高過《冲遊泰國》 開心到要FB開live送潮物回饋fans【下一頁】

{{hket:inline-image name="ksad.jpg"}}{{/hket:inline-image}}

{{hket:inline-image name="332408457_738263107830932_4397541195662875375_n.jpg"}}{{/hket:inline-image}}

杜如風開直播率先報喜，稱《解風東京》破收視紀錄，令她非常開心，特別準備在當地親手製作的牛仔褸作為禮物，將會下周送畀收看直播的觀眾。杜如風透露今次飛日本20日拍攝15集，行程非常緊密，「差不多1日拍1集，結果我都冇冧到，今次體能好勁，未試過咁好狀態。以前大家都知我成日拍到入醫院呀嘛，今次係有攰，不過起碼身體健康完成。」網友最關心杜如風今次有冇購物買爆信用卡，她笑言：「今年冇爆卡，因為好棘手，四個喼入面全部冬天衫，因為要拍15集買15套衫加四對鞋，根本冇位擺新買嘅嘢。如果下次唔使擺冬天衫就好，咁我就可以買多啲嘢。」有網友認為杜如風今次主持風格較含蓄，未夠狂野，她笑言：「冇之前咁狂野？係啦，我都覺得係，下次狂野番啲！」

提到浸溫泉的行程，杜如風表示自己點癲點玩都得，唯一底線就係唔除衫，「我好珍惜我肉體。」不如網友留言指杜如風跟李璨琛大女李元元（Lucy）撞樣，她笑言：「好多人話我似Lucy，似咩？佢可愛好多喎，係咪因為大家都係面腫腫咁呀？似衞蘭？唔係嘛，我覺得我似邵音音喎！」杜如風透露為了拍攝節目，事前特別進行生酮飲食減肥，「我4個幾月瘦咗27磅，你諗吓我以前係幾咁肥，呢個（方法）真係得！」雖然激減27磅，但仍有網友留言指她浮腫，杜如風都完全不介意，大方回應：「腫咗啲？係咁上下啦咁早起身，實係腫腫地呀啦！」

拆你個夢丨吳保錡金像台廁所遇張家輝即場表白 杜如風拖梁朝偉宋仲基去「恨島」【下一頁】

{{hket:inline-image name="049631e1-23a3-4013-b89b-2d339520e184.jpg"}}{{/hket:inline-image}}

{{hket:inline-image name="333173379_660618009168547_1755052992299018653_n.jpg"}}{{/hket:inline-image}}

節目中，杜如風透露自己單身九年，大家都好擔心她的感情生活，「快啲拍拖？我都想有拖拍，又冇人追，做十幾年旅遊節目，拍攝期間從來都冇艷遇嘅，你話死唔死？香港已經冇啦，世界各地旅行都係冇艷遇，好沮喪呢件事！唔緊要啦靠自己，自己一個幾開心，我係叉燒嚟呀鍾意吊高嚟賣！真係９年冇拍過拖，我而家要求已經唔高，眼耳口鼻齊都OK。」杜如風提到自己最愛的梁朝偉，不過近年花心愛上宋仲基，她搞笑說：「宋仲基結婚真係傷透我心，太過份，聲都唔聲就話（太太）有咗（懷孕）添，真係嬲嬲地，佢真係好正，可惜新娘不是我呢！」

{{hket:inline-image name="9eef7073-becf-483c-92d1-0798a8822090.jpg"}}{{/hket:inline-image}}

{{hket:inline-image name="YOYU.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉