COLLAR成員｜Marf Winka同日推單飛新曲剛柔並濟 唔擔心有比較：我哋一齊籌備

新生代女團COLLAR成員Marf（邱彥筒）與Winka（陳泳伽），於今日（10日）分別推出首支個人派台單曲《*~Silencio…Shh》及《一手造成》。二人日前分別為新歌拍攝MV，Marf為了跳唱快歌《~Silencio…Shh》突破衣着界限，以多個性感造型示人，騷腿露腰，盡顯「狂野」一面；Winka則以鄰家女孩造型演繹愛情新曲。她們同屬雙子座，而且又同日出歌，難怪自稱為Gemini Twins，實行雙子座兩面一剛一柔，為COLLAR「單飛」響頭炮。

同場加映：中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

Marf在《*~Silencio…Shh》的MV中又跳又唱，換上六款不同造型，騷腿露腰性感誘人，她表示：「造型上好大突破，因為會露肉，係一個好嘅嘗試，事前我專登曬黑膚色，覺得黑啲撞落呢啲衫度會好睇啲；同埋我好少着低腰褲露肚，仲要着好高高踭鞋、短裙同貼身衫，所有嘢對我嚟講都好新奇。」

{{hket:inline-image name="11.jpeg"}}{{/hket:inline-image}}

推出首支個人單曲，Marf直言心情緊張，感激公司及經理人給予她很大自由度，她參與新歌構思，說：「新歌嘅主題係有關煩擾都巿人，點解我會有咁構思？因為有次『碌』電話，見到自己有好多email未讀，問一問身邊人，原來好多人都係咁，我覺得呢個課題幾有趣；而為了方便樂迷明白我諗咩，事前我仲砌定一個PowerPoint，喺MV度逐一呈現我腦海諗嘅嘢，感覺好有趣。」《*~Silencio…Shh》另一意義，是她邀請了一班好友為她伴舞，而這班好友，正是《全民造星IV》決賽時為她伴舞的戰友。

Winka首支單曲《一手造成》是情歌，帶出「懂得去愛另一半嗎？」訊息，Winka：「歌曲內容來自自己嘅愛情故事，拍拖時會嫌棄對方呢樣嗰樣，覺得男方錯晒，但回頭諗一諗其實係自己問題，分手都係自己一手造成。我透過愛情經歷去反省。」她邀請了《全民造星V》的參賽者Nathan（魏念恩）擔任MV男主角，二人不乏情侶親暱場面，Winka笑指：「我怕醜但唔尷尬，我係面皮好厚，況且歌曲內容係自己嘅故事，所以好快投入狀態。」自言是慢熱之人的Nathan被Winka的開朗性格所掀動，很快融入拍攝當中。

{{hket:inline-image name="8.jpeg"}}{{/hket:inline-image}}

Marf與Winka同日推出「單飛」新歌，可會擔心有以比較？前者笑言：「我哋一齊籌備自己嘅solo歌，好sweet，我哋可以一齊做宣傳，又可以一次過帶兩首歌畀大家聽，好划算。」Winka認為兩歌的曲風、內容完全不一樣，「同日出歌，可以多啲互動，佢嘅粉絲可以聽我歌，我嘅粉絲又可以聽佢歌，非常不錯。」

COLLAR雨過天青成員各有轉變 撐So Ching歸隊：心臟強大面對一切【下一頁】

撰文：娛樂組

圖片來源：大會提供