周奕瑋對「日本通」感壓力狂追資訊 克服致命傷：童顏矮小但我有能力

周奕瑋（Jarvis）入行十五年，在無綫娛樂新聞台「浸」出專業，精通日文的他採訪過多次國際影展，亦獲得機會開拍個人旅遊節目《周遊》系列，介紹日本景點和美食，深得觀眾喜歡。曾經因為身高被嫌未夠台型壓場，他最終一夫當關，今年年初獨自主持《萬千星輝頒獎典禮》，獲得大眾的掌聲和認同，證明自己的專業和實力，「雖然我細粒又童顏，但我有足夠能力做得好！」

{{hket:ul-video id="7841"}}{{/hket:ul-video}}

Jarvis事隔三年再出發，跟陳嘉慧拍檔的《請1日假去旅行-東京篇》，大受觀眾歡迎，意外成為緋聞情侶檔。日前encore再出發拍新節目，這位「日本通」認為厲害，他認為這稱呼太沉重，說︰「直至而家我都認為承擔唔起，『日本通』或者『旅遊達人』嘅名字分量好重，有時搭車都會有乘客問我旅遊資訊，如果冇準備或者不夠新嘅話，真係好易畀人大番轉頭！」受疫情影響，封關令下旅遊節目停拍，他沒有故步自封，反而花時間去學習泰文，希望認學多一種語言，深層次去探索這個國家。「我入行第一份工作就係娛樂新聞台主播，對我嚟講工作就係追趕時間，無論係趕活動定係追新鮮資訊，只要你企喺度唔郁，感覺就好似慢過其他人！近年我唔能夠四周圍飛，花更多時間留喺香港，我真係有感覺以往身體、心靈上累積嘅疲勞，一次過爆發出嚟！我慢慢搵緊唔同嘅方向，希望尋找工作以外嘅自己。」

{{hket:inline-image name="DSC00040.jpg"}}{{/hket:inline-image}}

{{hket:inline-image name="71033169_1321381554707280_1399433001819495963_n.jpg"}}{{/hket:inline-image}}

{{hket:inline-image name="336352840_133876496295495_1606901715521832715_n.jpg"}}{{/hket:inline-image}}

《請1日假去旅行》反應好再添食？｜周奕瑋陳嘉慧又飛日本拍節目 緋聞情侶再合作：應該有唔同感覺【下一頁】

Jarvis大學畢業加上操流利日文，理論上有不少工作選擇，當娛樂新聞記者日曬雨淋，既辛苦又不討好，他一做就十五年，「媽咪一直唔支持我做呢一行，佢會擔心呢一行係大染缸，而且唔穩定又辛苦。的確呢份工去到40歲都係要落手落腳去做，唔似得辦公室會晉升，然後管理人。你問我會唔會後悔？我覺得未至於，呢十幾年有好多神奇事發生，例如我採訪好多影展，見識好多人同事。對大家而言係好夢幻嘅事，喺我身上幾乎每日發生，甚至擁有屬於自己嘅旅遊節目，咁樣衡量之下，只能夠講有迷惘過，未至於後悔。」

Jarvis年屆39歲，樣子仍然年輕似足大學生一樣，加上身高，初初入行時已經被睇死，「由細到大我都係細粒，其實我唔係好介意自己身高，反而身高、童顏有一定好處，好多人話我個樣可以郁多十年都唔覺老。」他表示身高帶來工作上的不便，第一次採訪康城影展，穿上燕尾西裝，遭同事嘲笑像企鵝走紅地氈，有時候訪問高個子藝人如熊黛林，就算穿上最高踭的鞋相距也甚遠，他說：「為何我要加增高鞋墊？並不是打中我的身高痛點，而是真的有工作上的需要。坦白講，身高是致命傷，令我條路比較遠，好多人覺得我童顏唔夠台型。」

請1日假去旅行丨周奕瑋陳嘉慧浪漫同遊東京 CP感高互動甜蜜拍出真感情？【下一頁】

{{hket:inline-image name="20230110122748_600.jpeg"}}{{/hket:inline-image}}

{{hket:inline-image name="324062856_480341147584142_2924344030745509551_n.jpg"}}{{/hket:inline-image}}

{{hket:inline-image name="01101007_600.jpg"}}{{/hket:inline-image}}

{{hket:inline-image name="324061094_1304290410428599_7277324653902732011_n_600.jpg"}}{{/hket:inline-image}}

直至今年年初，Jarvis驚喜成為《萬千星輝頒獎典禮》的大會司儀，獨個兒力壓全場，表現獲得不少掌聲，特別是他自身的奮鬥故事，反映出不少爭獎藝人「追夢」的心路歷程。「公司安排我主持呢個頒獎禮，我反問到底係咪認真呀？點解得一個人？點解會係我呢？呢個黃金機會嚟到眼前，唔通同佢哋講我唔敢咩？嗰兩個月精神壓力好大，我自問做足一百分，甚至乎比一百分仲要多！結果出嚟遠超預期，大家覺得頒獎禮精彩，我好滿足！」在舞台上的專業和淡定，Jarvis歸功於無綫娛樂台多年來的浸淫，他仍然將第一日上班前輩教導的說話記在心上，「前輩教我訪問時唔好搶嘉賓焦點，其實冇人想睇你。當你喺適當時候問一句不慍不火而又對方又答到你需要嘅答案，人哋先會留意到你。如果我唔係抱住呢個心態行，我唔會做到令人認同嘅表演。呢個頒獎禮足以證明我雖然細粒，我矮同童顏，其實我有足夠能力可以應付，做好件事。」

主持頒獎禮成就解鎖，連拍攝旅遊節目的夢想都達成，Jarvis形容感覺似中六合彩頭獎般幸運，「我希望再設一個目標畀自己，希望可以用個人魅力影響他人。我思想比較簡單直接，將世界睇得好美好，所有事船到橋頭自然直，呢一份正能量想法影響到他人的話，希望大家都搵到自己嘅小確幸。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

攝影：林君茹、黃敬博