《內幕》｜吳鎮宇笑稱細兩歲方中信做「前輩」 兩年前已登六：要請教吓點用樂悠咭

香港國際影視展（FILMART）正在灣仔舉行，英皇電影今日舉行大型活動，宣布未來多個電影項目。一眾紅星如梁朝偉、劉德華、張學友、張家輝、謝霆鋒、成龍、陳偉霆、吳鎮宇、方中信、任達華等都有出席，場面熱鬧。英皇電影今年4套重點電影包括《金手指》、《爆裂點》、《海關戰線》及《内幕》，同時公告即將開拍新片《新警察故事2》。

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

當中吳鎮宇、方中信參演麥兆輝執導，田啟文監製的電影《內幕》，兩人在場上有講有笑，方中信：「我哋都差唔多年齡，就傾番差唔多年齡嘅嘢。」今年年底就62歲的吳鎮宇笑言，60歲的方中信是「前輩」，「都係喺前輩身上學嘢，要請教下點用樂悠咭。」方中信問︰「申請咗未？」吳鎮宇笑言：「難得有一樣嘢係阿媽教我（申請樂悠咭），都幾搞笑。」

{{hket:inline-image name="DSC_7645.JPG"}}{{/hket:inline-image}}

吳鎮宇亦有份參演《海關戰線》，記者問到他是否有好多專業用語要牢記？「以前演開警察、機長、消防員，海關真係比較少接觸。海關部門分得好清楚，位置稱呼都唔同，好多嘢都要重新嚟過。」

眾多電影排隊放映，方中信坦承感到振奮，吳鎮宇就指：「今日唔係好特別嘅日子，之前FILMART都係咁多人，人頭湧湧。不過之前三年疫情不能聚眾。並唔係話香港電影復甦，不嬲都係咁上下陣容。」

好笑系列│吳鎮宇搭巴士坐關愛座被趕走？ 無奈出示身分證 即時KO對方【下一頁】

圖片來源：《晴報》圖片、大會提供、影片截圖

撰文：娛樂組