阿Sa陳偉霆舊情人經過冇打招呼 劉德華梁朝偉再合作互笠高帽

今日英皇電影公司舉行《2023英皇電影巡禮》，限聚令解禁多時，現場多位巨星蒞臨，場面久違地盛大。展望2023年，英皇有多齣電影即將放映及開拍，力求製作高質華語電影，特設「2023開啟新序章」、「2023開啟新勢力」及「2023開啟新未來」三大項目，同時支持多位新導演開戲，業界百花齊放。

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

眾星接受訪問環節，電影《金手指》演員蔡卓妍、梁朝偉同劉德華一同受訪，華仔、偉仔合作多年默契十足，再次拍擋，華仔感舒服，說︰「雖然我哋唔係好多見面，《無間道》隔咗咁耐，感覺我哋都冇乜斷過（關係），都係好自然好舒服，同佢開工係一種好特別嘅享受。」

偉仔這次角色造型好大突破，佢就話：「希望有新鮮感畀觀眾啦，呢個角色同我以往所做好唔一樣，有唔一樣造型。」問到再次同華仔合作有咩感覺，佢回應：「華仔係一個好好，好專業嘅拍檔，我哋由《鹿鼎記》開始合作，至今呢種感覺都係冇變過，依然係去到現場自然好合拍，佢好專業，合作好開心，好好玩。大家都成熟咗，有深度咗。」偉仔表示這次難度在於要做大量資料搜集，導演莊文強畀咗好多有關金融界詐騙案、詐騙案等佢參考。喺佢角度，呢個角色唔係大奸大惡，而係利用制度漏洞去搵錢呃錢，同時表示今日好開心見到自己好欣賞嘅電影團隊，可以同佢哋面對面傾偈。

偉仔日前憑《風再起時》南江一角，榮膺《第16屆亞洲電影大獎》「最佳男主角」，得獎時聲沙沙，唔少粉絲擔心佢有健康隱憂，佢指自己只係因為緊張。

{{hket:inline-image name="DSC_7601.JPG"}}{{/hket:inline-image}}

阿Sa就表示被兩大男神包圍感覺幸福，指自己其實每次拍戲都好幸福，說︰「啲人話我上一世拯救咗銀河系。第一次同偉仔哥合作，華仔哥就之前合作過一次。冇諗過今次拍攝過程好輕鬆，佢唔會令我有緊張，有侷促嘅感覺，成個拍攝過程都好開心。成個setting都係同現實抽離，每一日都活喺另一個時空。」偉仔大讚她是「三好」︰好勤力，好用功，好投入。

另外，英皇旗下藝人蔡卓妍同陳偉霆呢對舊情人罕有同場，阿Sa被問到會否尷尬，佢就堅拒提起：「唔答呢啲呀，都唔關套戲事！」另外，《爆裂點》擔任監製及演員總導演嘅林超賢，與戲中演員陳偉霆、譚俊彥、周秀娜一同受訪，陳偉霆同時其實都唔係第一次喇，可能你哋留意係第一次，頭先大家經過嘅時候冇乜機會打招呼，但係唔會尷尬。」被問到係咪同內地超模何穗分手，佢就表示唔回應感情事。

撰文︰娛樂組

圖片來源：《晴報》