解風東京丨杜如風活在當下冇諗過儲錢買樓 揮霍形象難變：我自己賺自己使

杜如風事隔五年再推日本旅遊節目《解風東京》，在J2台一推出首集已經打破收視紀錄。十幾年旅遊主持生涯，她笑言每次都「倒貼」之餘，更經常因身體出狀態出入醫院，但她仍然享受其中。杜如風爽朗的性格從無懼別人標籤「揮霍」，繼續故我以購物為人生樂事，「活在當下最重要！」

同場加映：李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

解風東京丨杜如風為節目生酮飲食激減27磅 仍被網友嫌水腫大方高EQ回應【下一頁】

{{hket:inline-image name="DSC00170.jpg"}}{{/hket:inline-image}}

{{hket:inline-image name="YOYU_600.jpg"}}{{/hket:inline-image}}

{{hket:inline-image name="332408457_738263107830932_4397541195662875375_n_600.jpg"}}{{/hket:inline-image}}

疫情餓足三年，杜如風今次出發終於吸收到「家鄉」的清新空氣，「三年冇飛好痛苦，我又唔想隔離，就留喺屋企煲劇，所以愛上咗宋仲基，點知佢結婚真係傷透我個心。」去年底開始通關，杜如風立即起行飛足20日，一口氣拍15集節目，打破自己十多年的紀錄。「我真係踏出機場第一步，唞一大啖氣 然後大叫：『我返嚟喇！』返鄉下既感覺太好喇，真係久別重逢！」杜如風自嘲疫情增磅不少，所以出發前花四個月時間用生酮飲食方式減去27磅，可惜的是行程中已經火速「回磅」10磅。

今次東京行由於行程太密，杜如風稱未有機會去瘋狂購物或者到訪自己心水的觀光點，不過仍然享受其中，沒想到節目一出街的反應就好好，收視高達5.9點稱冠，她說：「真係多謝咁多人睇住我啦，做咗旅遊節目十幾年，我就未悶嘅，因為每次去都一路有新嘢出，不過而家有啲觀眾成日話：『我中學已經睇你！』大佬呀，唔好講呢啲啦！好慘呀！(有冇諗過轉型？）冇喎，不嬲都做番自己，我鍾意做主持同旅遊節目，有得玩、有得睇、有得食，仲有人畀錢你使，（夠你買嘢？）唔夠，一直以來都cover唔到我嘅支出，拍足十幾年蝕足十幾年。」以往「行程」之一，大多數是紀錄杜如風在當地求診或入醫院，今次這個「行程」終於沒有發生，她說：「其實之前都係身體虛耗，會突然發燒，同埋好多時我都係經痛，今次撞唔啱時間完全冇事。呢個問題咁多年都解決唔到，經痛時真係成個人斜晒要人扶去拍嘢，近來有睇中醫調理身體，辛苦不過都習慣咗，去醫院打支針就冇事。」

戀講嘢丨杜如風自爆曾與男偶像拍拖 暱入車尾箱避開狗仔隊【下一頁】

{{hket:inline-image name="DSC00165.jpg"}}{{/hket:inline-image}}

{{hket:inline-image name="DSC00179.jpg"}}{{/hket:inline-image}}

{{hket:inline-image name="DSC00201.jpg"}}{{/hket:inline-image}}

杜如風稱鬼馬樂天的性格遺傳自爸爸杜惠東，保持正能量，從小到大都在父母的寵愛下成長，「以前有佢咩都幫我諗，而家叫做大個女，靠自己啦冇辦法，（照顧媽咪？）都仲係媽咪照顧緊我，我阿媽當我係四歲仲湊緊我，完全係溺愛。」杜如風一向鍾意購物，特別是潮流服裝，到底她家的衣帽間是如何？她說：「以前屋企衣帽間好大，搬屋之後細咗一半，所以要租迷你倉，將冬天同夏天衫分開。斷捨離係有嘅，之前搬屋，捐咗30幾袋衫出去，當中仲有好多未拆牌，呢次之後真係覺得原來好嘥，有啲衫買咗都唔知自己買咗，再見番就唔會再著或者著唔落，使咗好多冤枉錢，咁就捐晒畀人。所以近年我買衫係少咗同埋謹慎咗，有進步！」每人對消費都有個別的取向，杜如風認為美食和置裝之間，她會選擇後者，「日本食物有平有貴，就算幾平都好，日本嘢食都係好食，就算賣200日圓嘅烏冬都係好食！」

{{hket:inline-image name="DSC00212.jpg"}}{{/hket:inline-image}}

{{hket:inline-image name="DSC00220.jpg"}}{{/hket:inline-image}}

「我真係唔係公主，買嘢就不嬲都鍾意，由細到大都係，之前係我老竇畀錢，而家就使自己嘅，會慳啲！（人哋覺得你揮霍？）我自己賺自己使，又唔係要人畀錢，有咩所謂？儲錢為買樓？我覺得我呢世都買唔到樓，衫鈕就買到，人活在當下最緊要，可能我做完呢個訪問一出去被車車死呢？」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

化妝：Jenny Tziong
攝影：何家賢
撰文：楊安莉