避談方力申認戀葉萱 鄧麗欣僅隔空送祝福

方力申（小方）早前高調認愛韓國邪教受害者葉萱（Maple），更揚言欲陪女友到韓國出庭指證攝理教教主鄭明析，獲網民激讚。鄧麗欣（Stephy）昨日現身活動，對舊愛小方認愛不願多談，直認大家很久沒有聯絡，加上身份尷尬，不宜多作評論。

鄧麗欣昨日現身海港城，欣賞JR「GIANTS: Rising Up」公共藝術裝置，與12米高跳高運動員聳立的維港海傍打卡留念，感受藝術所帶來的熱情震撼。Stephy熱愛畫畫，問到揀男友是否有藝術天份優先？她笑說︰「係，有才華嘅人都係吸引。」提到最近方力申認戀邪教受害者葉萱，更處處護女友，一洗過往花弗形象，問到可覺得43歲的小方終於「大個仔」，Stephy回應︰「梗係大個咗，大家都大個咗，點都好，希望畀多啲空間大家，自己角色上唔適宜講太多，總之大家都開心。」

盼騙子受懲罰

Stephy回應小方新戀情時，顯得十分避忌，問到可認為小方是否有能力照顧葉萱，她堅拒多言︰「我唔評論太多，亦唔輪到我去評佢有無能力。（小方夠成熟去處理？）佢年齡上係好成熟。（有無關心佢？）我哋無直接聯絡。」被問及可曾接觸過邪教，她斷言表示沒有，但亦盼望社會不要再有騙子及騙案，她謂：「希望騙徒或者壞人受到應有懲罰，依家好多呃老人家嘅騙案，我媽咪都成日收到不同行騙電話，不過佢好醒目無上當，我由細媽咪都有教我哋要小心。」

攝影︰林良明

撰文︰Steven

美術︰悠然