容祖兒（Joey）前晚率領同門師弟妹到中環出席《Vogue Fashion's Night Out》，剛完成兩場新加坡巡迴演唱會的Joey，重提之前在美加巡唱時遇上猖狂賊，說時仍猶有餘悸。
容祖兒前晚出席時尚活動，提及早前到美加巡迴的驚險事，她憶述當時正前往機場，途經超市落車入貨，「司機好盡責，每次我哋落車佢就會睇實啲行李，嗰次我哋只係離開10分鐘，就被人打爆窗爆竊。」Joey透露損失約數千元港幣、信用卡及耳機，幸好身份證及行李無被偷走。Joey從此學精，「今次之後，財物一定要跟身，我曾經諗過將啲現金攝入鞋裏面做『救命錢』。」她又指被偷走財物後，即開啟追蹤模式看看耳機位置，發現已被帶到聖荷西，她驚訝竟然遇上專業小偷。
爆成龍邀拍電影
不過Joey強調巡唱旅程相當愉快，她指新加坡站正值疫情後第一個騷，當地亦取消口罩令，「我最開心就係喺台上面見到觀眾嘅真面目，見到佢哋好開心嘅樣。」另外，提到近日英皇電影巡禮，謝霆鋒將首次執導，可獲對方邀請參演？Joey謙稱每人有自己不同的崗位，「今次係霆鋒第一次做導演，唔想有閃失，等佢拍第二套，我再自薦啦，不過成龍大哥之前有搵我拍戲，希望佢真係認為我演到而搵我啦。」
攝影︰林良明
美術︰悠然
採訪︰Pauline
▲Joey（中）與同公司藝人劉雅瑟（左三）及李幸倪（右三）等現身。
▲吳家欣認分手，望外界給予空間。
