隱形戰隊｜馬國明遭羅孝勇亂槍掃射僅輕傷 網友笑不死光環：勁過超能使者

由馬國明、劉佩玥、林子善、唐詩詠、陳山聰和劉穎鏇主演的《隱形戰隊》昨晚播出第八集「黑心殺人換心」案，劇情非常緊湊。昨日一集Ocean（馬國明 飾）及超強殺手「陳環」（羅孝勇 飾）更在升降機中發生槍戰及打鬥，場面非常激烈！

同場加映：李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

劇情中，陳環是富商周昌盛（杜燕歌 飾）聘用的殺手，前者喬裝成男護士，擄走醫生林偉樑（林景程 飾）。Ocean與Madam Q（唐詩詠飾）在醫院追趕陳環，二人追進𨋢內後先與陳環來個眼神對峙，之後陳環一手掀起被單、一手掹槍射向Ocean，Ocean則身手敏捷地還拖。不過Ocean與 Madam Q二對一都不敵陳環，Madam Q在危急關頭竟然狂撳𨋢唔幫拖。而有一幕陳環的槍口明明對住Ocean個頭都可以射偏，令後者只是手臂中槍，之後仲可以用力箍對方的頸，行動非常自如。

{{hket:inline-image name="554.jpg"}}{{/hket:inline-image}}

而手臂中槍的Ocean，及後雖然獲包紮，但之後竟然可以隨意除下包紮，仲可以揸車，彷如無傷過一樣，情節令網友直呼誇張，有人更直言：「勁過超能使者！」

監製文偉鴻（Jazz）之前點名大讚羅孝勇，「請大家記住呢位好演員！佢舉手投足都散發住一股野獸味道！Perfect cast!」這次羅孝勇繼《法證先鋒V》的「暖男」黑幫大佬後，演繹型格冷血殺手再獲好評，所有動作場面都表現得有型有款。

{{hket:inline-image name="52645.jpg"}}{{/hket:inline-image}}

隱形戰隊丨許家傑做深情男報仇殺人眼濕濕 甩宋天機味演出層次：好淒美【下一頁】

對於獲監製讚有型，羅孝勇受訪時謙稱謂：「我十分多謝 Jazz 監製同拍攝團隊對我嘅幫忙同照顧，亦都好多謝武師同我一齊分析動作上點樣可以配合鏡頭打得更好睇。今次好難得，因為終於可以拍到自己好鍾意嘅動作戲，我亦都覺得係緣分，因為咁啱我參加完《明星運動會》拳擊賽攞咗冠軍（註：《明星運動會前哨戰：Fight 盡》），當時為咗個比賽我都操練咗好一段時間，所以無論體格定精神上都比較ready去拍打戲。」

{{hket:inline-image name="56526.jpg"}}{{/hket:inline-image}}

談到𨋢內與馬明的槍戰，羅孝勇謂：「其實呢場戲有個難處，因為我件護士衫係短袖，手臂唔可以加保護墊，真係所有打鬥場面都要硬頂，但為求有真實感，我都豁出去希望盡力做好，最後喺唔係好多Take之下順利完成。不過返到屋企兩隻手臂其實瘀晒，而家睇返原來大家咁鍾意呢場戲，咩都值得啦。」

隱形戰隊｜葉蒨文被虐劇照連楊卓娜都認錯 網友建議合體演姊妹：真係好似【下一頁】

撰文：娛樂組

圖片來源：大會提供