隱形戰隊｜林景程演無良醫生慘被潑水虐打 拍撞車戲份狂NG：撞出龜波氣功

由馬國明、劉佩玥、林子善、唐詩詠、陳山聰和劉穎鏇主演的《隱形戰隊》昨晚播出「黑心殺人換心」案，劇情講述Cool Sir（陳山聰 飾）昔日警隊戰友兼好友凌毅（許家傑 飾），自未婚妻Fanny（謝文欣 飾）遇車禍身亡後，退出警隊，原來他獨自追查未婚妻的死亡真相。幾經轉折，凌毅查出當年周昌盛（杜燕歌 飾）為了救病危女兒周曉悅（葉蒨文 飾），竟買兇殺死Fanny並奪取其心臟為女兒續命，當年主診醫生正是林偉樑（林景程 飾）......凌毅擄走林醫生並虐打他，逼他講出真相；禍不單行，林醫生在逃走時慘被車撞，昏迷送院......

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

林景程今次呢個醫生角色，對比起上一套劇《新四十二章》嘅摔跤手，戲份當然少好多，對白亦很少。呢個角色都好慘，被擄走後，不但遭受拳打腳踢的「嚴刑拷問」，同時慘被淋水又被車撞，真係連環不幸事件呀！

{{hket:inline-image name="lam.jpg"}}{{/hket:inline-image}}

{{hket:inline-image name="336060282_1236610536944929_5780133754991622565_n.jpg"}}{{/hket:inline-image}}

林景程接受《晴報》記者訪問，竟笑言「唔辛苦」？說︰「因為好多場面都係喺醫院，瞓喺床上勁舒服！」至於難忘的情節是？「淋水濕毛巾焗臉嗰場，我要閉氣扮掙扎，點知掙扎時唔小心漏咗氣真係入咗水，嗰吓堅係唞唔到氣！諗住盡量頂到家傑講晒對白，演埋場戲先，點知淋淋吓我好快就頂唔順。」導演未嗌cut，林景程自己伸手扯走毛巾，「坐起身係咁咳同唞大氣，堅係嚇死佢哋！最後NG重來。」

林景程今日在IG po幕後花絮，原來拍撞車戲時NG了不少次，自嘲是「手腳不協調會長」，「撞車」姿勢千奇百趣，P圖指自己「撞出龜波氣功」。他留言：「作為手腳不協調會長，於是次場景拍攝期間，刷出無數咁多take #諗住撞多幾個姿勢 #以為總有個好睇嘅 #點知你的樣子如何 #你的姿勢也必如何 #全部怪樣嚟 #越撞越怪 #撞到懷疑人生 #撞出龜波氣功」。

隱形戰隊｜馬國明遭羅孝勇亂槍掃射僅輕傷 網友笑不死光環：勁過超能使者【下一頁】

撰文：娛樂組

圖片來源：IG圖片、劇集截圖