維港復活節帽子巡遊 嘉年華表演+工作坊

下個月就係復活節喇，黛安聽聞，發展局和海濱事務委員會喺6大海濱共享空間，打造維港首個復活節帽子巡遊及舉辦帽子工作坊。下周六（25日）堅尼地城「卑路乍灣海濱長廊」及荃灣海濱長廊將率先舉行工作坊，畀大家設計獨一無二嘅復活節帽，之後可帶埋去參加復活節帽子巡遊。

巡遊會喺4月2日舉行，由炮台山「東岸公園主題區」做起點，一口氣暢遊銅鑼灣「活力避風塘主題區」、灣仔「水上運動及康樂主題區」和灣仔「HarbourChill海濱休閒站」；表演單位有啦啦隊、舞蹈團和學生等，營造嘉年華氣氛。灣仔「HarbourChill海濱休閒站」更會舉辦首屆「維港開心碌碌復活蛋大挑戰」，完成挑戰可以獲贈小禮物，送完即止。

詳情可參閱海濱事務委員會網頁。