遊走巴黎拍MV 鄭秀文凍到牙關打震

鄭秀文（Sammi）日前遠赴法國拍攝新歌《愛是…2.0（feat.好青年荼毒室）》MV，Sammi以多個華麗造型上陣，她開心說：「今次可以嚟到巴黎拍MV，好似發緊夢咁。《愛是…2.0》係我好鍾意、好鍾意嘅新歌，亦係今年第一首派台歌，成首歌嘅風格都好有型，希望大家鍾意。」

Sammi抵埗後，翌日天未光便起床準備開工，第一站是電影《潛行兇間》（INCEPTION）中曾出現過的比爾阿克姆橋（Pont de Bir-Hakeim），在橋上可見到巴黎鐵塔；由於天氣嚴寒，Sammi於鏡頭外穿着羽絨大褸和抱着暖水袋，雖然冷得她牙關打震，但貼了一身暖包的她仍一臉興奮。