《流水落花》得影后丨鄭秀文演戲等足30幾年終獲肯定 感觸良多：每個年紀都唔好放棄

《香港電影導演會周年晚宴暨年度頒獎典禮》昨晚盛大舉行，大會頒發七個大獎，「最佳男主角」、「最佳女主角」分別由《神探大戰》劉青雲及《流水落花》鄭秀文（Sammi）奪得，兩人得獎後合照留念，場面非常熱鬧。鄭秀文表示印象中第一次參與導演會的晚宴，大開眼界，亦沒想到會得獎，非常開心。

同場加映：

李駿傑 Jeremy@MIRROR想同甜美笑容女仔「Closer」 中學時代佛系曖昧食白果

{{hket:ul-video id="7792"}}{{/hket:ul-video}}

流水落花│鄭秀文自嘲平胸玩上癮搞爛gag 笑問導演「鄭秀文籍貫」係咩？【下一頁】

{{hket:inline-image name="DSC_1060.JPG"}}{{/hket:inline-image}}

{{hket:inline-image name="DSC_1090.JPG"}}{{/hket:inline-image}}

鄭秀文憑《流水落花》早前獲《第29屆香港電影評論學會大獎》頒發「最佳女演員」，這次再下一城，似乎好大機會在4月16日舉行的《香港電影金像獎頒獎禮》再奪獎。她得獎後接受訪問，稱︰「得到呢個獎意義好大，一班專業導演評判畀我肯定。每個年紀都唔好放棄，就算中間有自我質疑，或者唔知條路點行，要捉緊演戲初衷。好開心而家得到咁大肯定，而家滿腦子如何進步同演好每個角色。多謝導演賈勝楓同所有演員，多謝天父總喺信仰方面畀我好多力量，人嘅高潮低潮都有好大力量支撐自己。（增加金像獎得獎信心？）唔敢諗，偶爾呢個想法都會彈出嚟，唔刻意去諗啦！呢兩次得獎已經好大肯定，到時就知囉！（點同許志安慶祝？）冇慶祝，叫工人姐姐煲青紅蘿蔔湯飲！」

她透露今年音樂方面有較多搞作，推出新歌，開演唱會之餘亦會出碟。晚宴上遇到很多電影人，雙方都有不少建議，她也認為可以嘗試，非常期待。

口罩令取消丨鄭秀文首映拒除口罩原來有苦衷 食零食咬崩牙出事：隻貓都笑我【下一頁】

{{hket:inline-image name="DSC_1083.JPG"}}{{/hket:inline-image}}

{{hket:inline-image name="DSC_1047.JPG"}}{{/hket:inline-image}}

至於劉青雲封帝心情大靚，對於得獎一貫抱謙虛態度，「第二次得到呢個獎...（金像獎攞埋？）信心係拍戲先要，戲都拍咗，要做就做晒！今年好多演員新面孔，絕對係好事，我係唔介意一齊發展，對成個市道係好事。」他表示現時大多數獨自出席活動，太太郭靄明深居簡出，問到是否有機會邀太太出山「夫妻檔」拍戲？他說：「唔會啦！佢冇興趣拍戲，亦冇乜戲癮，好享受而家生活，（你唔畀？）我都唔係啲咁嘅人，我一向認為女性應該有自己事業，佢鍾意咪做囉！但係而家（拍戲）嘅，（有需要）都搵都搵啲新嘅夫妻啦！」他時正為新戲《爸爸》（翁子光執導）開工，對手還有余香凝、谷祖琳等演員。

{{hket:inline-image name="yh.jpg"}}{{/hket:inline-image}}

至於《給十九歲的我》由電影監製黃慧及聯合導演郭偉倫出席領獎，張婉婷導演缺席，黃慧致辭感激電影業界擇善固執，並感謝參與的同學和家長，至於郭偉倫說：「我想講少少，其實拍紀錄片嘅本質就好有爭議性，我哋團隊唔想只拍風花雪月嘅嘢，我哋追求嘅係一種真實同現實，但原來現實都幾殘酷，我哋團隊付出咁多努力，最大付出係張婉婷導演。我相信今次事件係對業界生態有啲衝擊，我希望呢件事唔好再發生，參與者唔好再有心理變化，同埋保護創作人嘅創作自由、言論自由都好重要。都要講一句我哋清者自清，我哋無欺騙或強迫拍攝，喺呢度我哋公開一次呼籲，暫時唔會公開任何言論，因為我哋想保護某啲人，因為畀大家知道真面目之後，可能會受情緒困擾，我暫時唔會出聲。解鈴還須繫鈴人，我哋希望學校同團隊、學生可以和解，解開呢個結。」而黃慧讀出張婉婷的致謝辭，她懇請石校長釋懷，亦表示：「如果時光倒流十年前，石校長再叫我做呢部紀錄片，我都一定會義無反顧，一口答應。」

得獎名單：
「最佳新演員」：林諾《白日青春》
「最佳女主角」：鄭秀文《流水落花》
「最佳男主角」：劉青雲《神探大戰》
「榮譽大獎」：張同祖
「新晉導演」：何爵天《正義迴廊》
「最佳導演」：韋家輝《神探大戰》
「最佳電影」：《給十九歲的我》

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

採訪：黃寶蓮
攝影：林良明
撰文：楊安莉