有「體壇譚玉瑛」之稱的無綫體育資深主持韓毓霞，在無綫主持體育節目長達34年，也會採訪體壇盛事，偶爾亦有參與劇集拍攝，例如《BB來了》、《是咁的，法官閣下》、《愛回家之開心速遞》等，直至2020年，滿約無綫後便離巢，回復自由身。早前，她獲邀參與電影《毒舌大狀》，在片中飾演高等法院原訟庭法官。
同場加映：周奕瑋對「日本通」感壓力狂追資訊 克服致命傷：童顏矮小但我有能力
韓毓霞日前接受由陳圖安主持的港台節目《安哥同學會》，提到接拍《毒舌大狀》，韓毓霞表示沒考慮多久就答應了，「我好勇於接受呢個挑戰，吳煒倫導演覺得我好適合呢個角色，其實我未做過、亦未拍過電影，但佢都搵得我，我又唔怕接受；去到現場，我見步行步，到埋位，導演叫我唔好用個嘴做戲，淨係要我對眼，好特別嘅要求。」韓毓霞笑指當時的壓力，不是因為自己要NG，而是黃子華、謝君豪等一眾演員沒有NG，「真係大件事，佢哋嘅事前準備做得好足，Renci（楊偲泳）一場戲，頁幾兩頁紙，一take過，冇NG，點解有第二take，只係因為導演想攞多個角度。嘩！你見到咁優秀嘅演員，真係有壓力㗎！」
由於她飾演資深法官，所以以淡妝上陣，韓毓霞說：「眼線都冇畫，黃子華私下都有同我講，佢專登去法庭睇，嗰個法官戴咗鑽石戒指，化咗妝，係可以打扮，我意味到佢話我好樸素，但唔係批評，但導演心目中嘅法官係有資歷，一個德高望眾嘅法官，可能唔想要咁多修飾。」雖然韓毓霞仍有戲癮，但要看看能否遇到好角色。現處於享受生活的韓毓霞，閒時會相約朋友一起做運動，她說：「啱啱去完滑雪返嚟，每個禮拜又會打羽毛球、跳舞、游水。」
【體壇譚玉瑛】曾擔任主持34年 採訪7屆奧運 韓毓霞效力無綫36年宣布離巢【下一頁】
1979年，當年只有18歲的韓毓霞參加《香港小姐競選》，同屆有陳秀珠、鄭文雅、鍾楚紅、鍾慧冰等參選，可惜韓毓霞落選，未能晉身決賽之列；及後在考大學畢業試前夕，她報名參加無綫電視司儀訓練班而入行。雖然當時被無綫取錄，但韓毓霞堅持完成大學畢業試才開始無綫的司儀課程。韓毓霞表示開頭的時候，學習機會很多，亦有遇上挫折，「係辛苦啲，我去到《歡樂今宵》實習，嗰陣先慘，日日都要有新嘢，每日都有唔同組別，題材又多又複雜，帶住我哋嗰啲人（前輩）好本事。」
58歲韓毓霞拍廣告活力充沛 享受拍拖唔再信婚姻制度【下一頁】
原來她在《歡樂今宵》是任職幕後，主要負責資料搜集和寫稿，半年後被調去體育組，「喺司儀訓練班訓練咗一年幕後（工作），之後轉去體育組做咗記者，自己寫稿，帶一隊人出去拍嘢，做咗咁多年，令到我對題材好敏感，訪問嘉賓係即時（性），所以去奧運、亞運、世界盃採訪，我會有呢個好處，就算突然間有嘉賓，我都可以喺比較快嘅時間捕捉到，傾到偈，攞到個重點，呢啲係訓練返嚟。」《體育世界》在2018年解散，韓毓霞說：「好唔捨得，但我好慶幸喺呢個黃金年代，我有份參與。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】