《大叔的愛》丨與盧瀚霆遇原版大叔「情侶」合體 「唯粉」鬧爆Edan挑起事端？

MIRROR成員Edan（呂爵安）和Anson Lo（盧瀚霆）在2021年6月，合拍港版劇集《大叔的愛》，Edan在劇中飾演田一雄，Anson Lo飾演凌少牧，「田牧CP」大受歡迎；另外，田一雄和黃德斌飾演KK的感情線，亦甚有火花，驚喜連連。

同場加映：死屍死時四十四│鄭中基讚呂爵安夠幽默做搞笑擔當 拍家庭戲啟發珍惜與家人溝通

{{hket:ul-video id="7836"}}{{/hket:ul-video}}

{{hket:inline-image name="9.JPG"}}{{/hket:inline-image}}

{{hket:inline-image name="334457809_150803977549135_1361785230840337862_n.jpg"}}{{/hket:inline-image}}

最近，Edan和Anson Lo再度合體，兩人在上周一（13/3）飛往日本工作，拍攝由袁劍偉執導、以偷竊為題材的電影《盜月者》。在白色情人節（14/3）當日，他們在一間便利店內，驚喜發現日版《大叔的愛》黑澤武藏（吉田鋼太郎 飾）的廣告海報，Edan和Anson Lo甚為雀躍，即與吉田鋼太郎的廣告海報合照，並上載在IG，還以港版《大叔的愛》主題曲《突如其來的心跳感覺》作背景音樂，他留言表示：「睇吓我哋喺日本見到邊個！！！係原版嘅大叔！田一雄X黑澤武藏X凌少牧世紀合照，KK唔好呷醋。」Edan還hashtag「買買吓嘢見到」、「吉田鋼太郎」、「如果可以同真人合照就正」、「想見晒原版嘅真人」、「KK我心中仍然有你的」。
雖然Edan使出一招「愛的呼喚」，但黃德斌依然冇應機，反而引來「正印」阮小儀留言：「我都見到。」亦有爵屎（Edan fans暱稱）留言「好有緣呀，不如你哋一齊喺日本留耐啲，話唔定會遇到真人。」

大叔的愛｜「KK」黃德斌婚紗Look熱爆洗版 網民封ViuTV視帝：突破過往框框【下一頁】

不過，有「唯粉」（意思：只喜歡某一成員的fans）就留言鬧爆Edan，「得閒就學吓戲練吓歌，唔好浪費時間喺度炒CP啦，次次炒登神神教同爵group都嘈，你自己group mma冇所謂，唔好影響人哋先得㗎！」點知Edan親自回應：「得閒就睇吓書同屋企人朋友傾吓偈，唔好浪費時間喺度話人炒CP啦，次次我po同佢嘅嘢都話炒CP，我係咪唔同得我朋友合照啊，你同你朋友去旅行會唔會po相啊，你自己諗多冇所謂，唔好意圖扭曲我做嘅嘢同控制我po乜先得㗎！」該網民問Edan是否被說中了，Edan再回：「回應你就係說中了？咁你玩晒㗎喎！」

{{hket:inline-image name="6.JPG"}}{{/hket:inline-image}}

Edan出Post賀《大叔的愛》播出一周年 開心角色令到「爵屎」大增【下一頁】
該網民再出post，指很榮幸獲Edan親自回覆，「咁我就講多少少自己感受，你知唔知cp呢個issue 成日令到粉絲之間嗌交，佢哋嘅over FF（有啲直情熄電視三級，好過份）同兩派CP粉嘅爭寵令人心煩，可能你只係純粹想分享同bro嘅日常開心事，但次次見到兩個群組鬧嚟鬧去都令到好多人唔開心。如果我講嘅語氣冇禮貌左我可以道歉，但希望你明白我想表達乜嘢。」Edan再次回覆：「咁嘅語氣咪大家都舒服啲囉，絕對歡迎你道歉。咁順便我都想問多少少，你係咪認為你所講嘅OverFF、爭寵、嘈交全部都係我嘅責任？如果係，你覺得我應該點樣做去解決呢？」

{{hket:inline-image name="5.JPG"}}{{/hket:inline-image}}

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】