《Time To Fly》︳Nat@STRAYZ單飛推出處女作品 預告今年出合唱歌兼新團歌

由《全民造星IV》參賽者Nat何榛綦、CK黃斯琪、VAL趙展彤、Wyllis林暐翹及Ariel曾家瑩所組成的女團STRAYZ，繼上年推出首支單曲《Stray》後，Nat近日單飛推出處女作《Time To Fly》，歌曲圍繞其自身經歷為創作藍本，描述她闖樂壇的決心。

同場加映：

死屍死時四十四│鄭中基讚呂爵安夠幽默做搞笑擔當 拍家庭戲啟發珍惜與家人溝通

{{hket:ul-video id="7836"}}{{/hket:ul-video}}

{{hket:inline-image name="DSC05865.JPG"}}{{/hket:inline-image}}

{{hket:inline-image name="NewProject0321.jpg"}}{{/hket:inline-image}}

Nat表示：「作為一個素人，一開始去參加《造星IV》，冇諗過入到20強，再組成STRAYZ。呢個追夢嘅過程唔簡單，同時亦係成長階段，所以我將成長嘅心路歷程，放喺呢首歌度話畀大家知。」她很喜歡新歌的歌名，好有鼓勵作用，「首歌講到我終於要踏出comfort zone，要飛喇！闖出去探索呢個世界，《Time To Fly》，對於我嚟講好有動力嘅一句說話。希望透過呢首歌，鼓勵勇敢追夢嘅人唔好輕易放棄。」

全民造星IV｜趙展彤VAL決賽唱詩歌被批揀錯歌 無悔參賽：做咗自己最想做嘅嘢【下一頁】

製作團隊為了配合蝴蝶蛻變這主題，選擇在黃昏時間到大帽山上拍攝MV，由於現場勁大風又凍，Nat與4位Dancers衣衫太單薄，齊齊吹到大打冷震。Nat：「好感恩，大家可以咁落力，冒住咁凍環境都做得咁好。」

（↓點擊放大睇圖片↓）

STRAYZ隊友不在身邊，Nat：「我喺STRAYZ唔屬於音樂製作部門，係VAL同CK負責，呢次我要同監製見面，解釋自己理念、想法，所有嘢要親手落力去做，我冇呢種單打獨鬥嘅經驗，所以過程中好掛住我啲隊員。好迷失時，諗起有隊員支持，好窩心重要。」她計劃今年再推出3首單曲，亦會籌備跟隊友出雙人歌及新團歌，希望帶給樂迷不同的音樂風格，令外界對她們了解更多。

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】