Cammi面對真我自覺過度P圖似鬼 發表愛情論：給錢你花就是喜歡你

陳冠希舊愛謝芷蕙（Cammi、現名謝熙婷）不時於社交平台大曬富貴奢華生活，又不時post性感照同fans互動，睇落生活多姿多彩。日前係佢嘅28歲生日，Cammi於網上分享大量慶祝相，見到有已到內地生活、前名「Rainbow」嘅胡淽喬（Annabella）同兩位女友人為佢搞飯局派對。Cammi着上離罩低胸裙，二度「發育」嘅佢非常性感。好友為佢準備大量禮物，其中一樣最特別係銀紙花，用一千蚊紙幣砌成，目測價值約3萬元，Cammi真係有特別嘅一套慶祝方式呀！

同場加映：中年好聲音丨龍婷無懼批評父母化身樹窿減壓 街頭表演喜遇知音人：最美的風景

{{hket:ul-video id="7880"}}{{/hket:ul-video}}

Cammi曾於IG上自爆現時係單身，日前佢同網民大玩「你問我答」，令大家對佢嘅價值觀了解咗唔少。其中有網民對於Cammi嘅感情狀況感到好奇，並問佢對於就嚟30歲嘅感覺，Cammi則回答感情狀況「還在觀察中」，並表示自己今年雖然已經28歲，但只要保養得好、過得好，唔覺得年齡係問題，再表示自認為自己内在各方面都比起以前越來越好，相信在30歲後視野同見識都會更廣闊。

{{hket:inline-image name="1.jpg"}}{{/hket:inline-image}}

之後又有網民向Cammi提問「愛一個女人係咪一定要使錢？」，Cammi亦有大方分享自己的愛情觀，首先她表示以前是不同意的，但現在對於這種想法卻愈來愈同意，話男人對佢點好都可以扮，但畀錢佢使就冇得扮咁話：「對你好也可以演，但給你花錢是演不了的。而且男生辛辛苦苦賺錢，他給你花就是喜歡你呀！」

然後又有fans分享早前因聽取了Cammi的建議，決定與前男友分開，並透露現時男友非常好，Cammi都回應：「位置很重要，一隻牛皮包放市集賣是地攤貨，放在Hermès賣就是鉑金包了。人也是，在對的地方上價值就高了」。又有網民發現大讚Cammi近來修圖冇咁重手，大讚佢即使冇P圖也很靚，而Cammi亦接受讚美，並回應:「我以前以為自己很會P，睇返轉頭成隻鬼咁，不知道以前的自己是怎樣想的。」

圖片來源：Instagram