承認常被黑粉「問候」 呂爵安︰適當時發聲保護自己

男團MIRROR成員呂爵安（Edan）與盧瀚霆（Anson Lo）正於日本拍攝電影《盜月者》，日前Edan上載他們與日劇《大叔的愛》吉田鋼太郎的海報合照，引來網民留言批評炒作，令Edan忍不住親自回覆。前晚，Edan在IG開直播，搞笑地將「莫生氣」濾鏡放在頭上，澄清沒有為事件動氣。他坦言，一直以來收到不少黑粉「問候」，部分人更將他設置為IG「密友」，令他不勝其煩，所以他會封鎖對方。

Edan表示早料到回應網民後會有傳媒報道：「當藝人被曲解，好多時大家會話唔好出聲，但我覺得喺適當時候要發聲保護自己，否則大家就覺得係真。」他認為做藝人「食得鹹魚抵得渴」的觀念錯誤，「『食得鹹魚抵得渴』係指你有知名度，出街預咗被人認到、被人影相，呢啲預咗，無得怨，生活上少咗私隱；但被人鬧、被誤解，就唔係藝人必須承受嘅事。」他亦提及姜濤日前在傳媒社交平台留言發聲一事，「如果姜濤硬食唔出聲，好多人就以為係事實，影響到形象就唔值得。」