婚前試行為丨情侶性生活不協調全因前度大胸？ 男方被評有性趣冷落女友有苦衷

ViuTV真人騷節目《婚前試行為》中，七對有意結婚的情侶參與「模擬婚姻人生」，接受節目組為他們安排的考驗，起初比較輕鬆諸如懷孕、湊小朋友的體驗，搞笑多於認真，發放不少笑料。直至話題越來越深入，其中劉晉宇（LCY）和盧靖文（Charlotte）這一對在過程中未見到結婚將來，決定退出節目。而昨晚一集李君煒（阿煒）、黃卓瑩（卓瑩）大方談及兩人性生活不協調的問題，尋求專家協助。

同場加映：

死屍死時四十四│鄭中基讚呂爵安夠幽默做搞笑擔當 拍家庭戲啟發珍惜與家人溝通

{{hket:ul-video id="7836"}}{{/hket:ul-video}}

陳柏宇下月又做老豆 請定假陪老婆入產房【下一頁】

{{hket:inline-image name="NCNCKKJ.jpg"}}{{/hket:inline-image}}

阿煒和焯瑩被形容是「金童玉女」，焯瑩是美容公司老闆，而阿煒近年辭去熟悉的工作加入女朋友公司，拍住上，阿煒對美容業零知識，掛名做老闆，他生日時收到女友焯瑩所送嘅一架車做禮物，坦言身邊嘅人可能會覺得佢「食軟飯」。這種女尊男卑的關係，讓大男人的他感到壓力，唔想去理其他人嘅說話。

{{hket:inline-image name="yyyyhashdbf.jpg"}}{{/hket:inline-image}}

焯瑩、阿煒也坦白，兩人之間最重要的問題是性生活唔協調，大會邀請專家Anthony和「性博士」吳敏倫現身為兩人調解。阿煒表示：「而家行房次數少咗好多，呢個狀況佢好唔滿意。」問到性生活享受程度，焯瑩表示：「一開始有享受，我覺得佢唔享受，累積好多唔滿意，我覺得佢冇諗點樣滿足對方感受，覺得佢自己完事就完咗。」阿煒表示自己對性興趣不大，亦有因為行房之事而鬧交，影響心情，「性博士」追問下，反指他對性有興趣，只是對焯瑩冇興趣，所以要先處理好他的心理問題。

焯瑩聽到「性博士」的結論大受打擊，哭成淚人，認定阿煒對自己失去興趣，非常傷心。阿煒最終道出：「如果冇興趣就掂都唔想掂啦，我同佢性生活...累積咗好多投訴，佢講嘅說話又好，我講嘅說話又好，搞緊嘢講嘅說話可以好難聽喎！搞嘢時諗番起啲說話，點會可以好似當初一齊咁pure呢？」焯瑩聽畢感覺如釋重負，坦承擔心性生活唔協調係同自己身材有關，「因為佢前女友好大波，搞到我成日想豐胸，我覺得佢冇興趣...係因為佢試過大波，但我又冇乜波...」阿煒聽從專家的意見，處理感情關係為先，再去想性生活。他派定心丸，帶焯瑩飛日本旅行，炮製不少驚喜，兩人關係增進不少。

練美娟賀李駿傑肥仔新食店試業 打通宵台灣牌慶祝 Jeremy大旺？【下一頁】

阿煒和焯瑩在節目中大談性生活，不少網民都戥佢哋尷尬，又認為女尊男卑的關係是「致命傷」，阿煒在社交平台發長文：「關於我哋一齊做嘢，開頭個幾個月，的確我地（哋）各自都好難適應大家既（嘅）節奏同步伐，成日意見不合，鬧交就家常便飯。但去到宜（而）家一齊做嘢，做咗一段時間，我哋依然覺得呢一個選擇係對我哋嘅將來，同時對佢係最好嘅安排。有另一半可以去分享，同時了解，明白自己做嘢嘅甜酸苦辣係一種辛福，有咩困難一齊拆，一齊捱，有咩開心嘅時候一齊慶祝，非常珍貴。」

{{hket:inline-image name="39013988_515413635595747_6960791034917814272_n.jpg"}}{{/hket:inline-image}}

{{hket:inline-image name="300898987_445001741017361_2644799901248149075_n.jpg"}}{{/hket:inline-image}}

至於性生活方面，他說：「性生活問題，老實講係少咗。有時面對生活同工作既壓力，尤其比較熟我嘅朋友，都知道我呢幾年其實都跌跌撞撞，都真係會壓力好大又冇乜心情。同時我諗性生活唔協調，其實喺香港呢個咁嘅社會應該都大有人在，唔同人都有唔同嘅原因。好記得我哋開初話想參加呢個節目，其中一個最大嘅原因，就係想睇吓係（喺）呢個節目度嘅經歷，或者體驗會唔會再改善到我哋嘅情況，同時都想多啲人去正視呢個問題，有咩一定要坦白拎出嚟同對方傾，唔好覺得係一個禁忌就逃避唔去解決，拖得就拖，最終只會得出最壞結果。拍攝嘅期間，有啲前輩、朋友都有畀好多唔同嘅意見或者分享佢哋類似嘅經歷，其實都幫到我地好多，解開咗心結，關係亦都比以前好咗好多，起碼宜（而）家大家有咩唔會擺喺心入面，直接溝通。嗰啲硬唔起交唔到貨，放過我啦，手下留情，都係節目效果嚟嘅啫，唔想搞到身邊嘅人都好擔心呀大哥們！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組

圖片：《婚前試行為》電視截圖、阿煒IG、焯瑩IG