隱形戰隊｜林子善扮阿旺孖劉佩玥嚇退衰後母 戲外同樣暖向Moon爸許下「承諾」

《隱形戰隊》昨晚（22日）播出第13集，焦點落在文偉鴻（Jazz）監製揚言要捧紅的林子善身上。對Shadow（劉佩玥 Moon 飾）勁有好感的女女（林子善飾），得悉Shadow被「衰老竇」苛索再婚費用後，加上發現Shadow未來後母太後生有騙財之嫌，遂與Shadow夾計「嚇走」未來後母。

同場加映：周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

劇中Shadow及女女直闖「後母」與其母親歎茶的酒樓，在未來後母面前演出「悲情大龍鳳」，全程「阿旺」上身的女女猛話要食魚翅，又不斷用玩具車騷擾Shadow、兼吵著要見未來媽咪。由於子善的戲中戲太勁，嚇得未來後母「走夾唔唞」。而子善將「道具眼鏡」反轉戴在頭上，絕對是神來之筆，網民都大讚精彩：「子善真係扮得好好笑，加埋佩玥真係好精彩」、「這套劇我覺得林子善很搶鏡」、「子善喺《隱形》好出位，演技大躍進，同劉佩玥好合拍」、「女女不紅，天理不容」、「睇一次笑一次」。

{{hket:inline-image name="43.jpg"}}{{/hket:inline-image}}

據知今晚播出的第14集，子善將爆肌上陣大曬健身苦練多年成果。在官方社交網釋出的搶先睇預告片，滿身大汗的子善全程投入「健身曬肌」之旅，將「力的表現」展現得淋漓盡致之餘，近鏡更清楚看到他的胸肌極為發達，可以用「頂到上喉嚨」形容。子善屈機爆肌片一出，網民睇到嘩嘩聲：「肌肉靠堅持」、「使唔使咁型呀」、「操到咁弗唔係型男仲係咩」。更有網民為子善打氣：「林子善做戲好掂，無論做乜角色都冇問題」、「佢演戲越來越穩重，加油！」

其實早於劇集開拍前，子善與Moon這對CP已互笠高帽，相當有愛，Moon更對這位新拍檔讚不絕口：「其實今次係我同子善正式第一次合作，之前就算同劇但冇乜對手戲。我同佢拍嗰陣日對夜對，佢唔單止當我係阿妹，佢直情當咗我係佢個女，佢每一樣嘢都關懷備至到好窩心。」Moon更憶述指，子善曾向其爸爸發表「愛的承諾」：「有次我爸爸車我去拍攝現場，子善直情同我爸爸講：『Uncle 我一定會睇住你個女，放心啦！』我真係好感動，佢唔係淨係得個講字，佢真係對我好好，非常之好，佢好care我感受，好尊重我啲意見，真係講講吓都想喊。」

{{hket:inline-image name="1313152.jpg"}}{{/hket:inline-image}}

隱形戰隊｜李天縱驚爆生完無耐就要拍打戲 為角色瞓身演出：拍咗50次吊威也【下一頁】

撰文：娛樂組

圖片來源：《隱形戰隊》劇照