劉心悠秘婚3個月圓碌碌孕味濃 圈外老公正面首曝光調皮捉手仔

現年41歲嘅女神劉心悠多年嚟都係緋聞絕緣體，點知舊年12月31日就被爆同圈外男友經已完婚，相當低調，完全冇邀請圈中好友出席，場地都係親戚提供。事後心悠都有大方回應：「多謝大家的祝福，好開心找到另一半。」婚後依然冇post過同老公嘅合照，但係日前就有朋友「出賣」咗佢哋！

同場加映：

周奕瑋對「日本通」感壓力狂追資訊 克服致命傷：童顏矮小但我有能力

{{hket:ul-video id="7841"}}{{/hket:ul-video}}

{{hket:inline-image name="8fb2d418383bac48f6f34fa8d17100e1.jpg"}}{{/hket:inline-image}}

日前有網民post咗一張BBQ大合照，心悠素顏出鏡，留齊蔭紮丸子頭，身穿灰色短袖衫與鬆身深藍色工人褲，佢面形比起之前包包咗唔少，孕味非常濃！相中另一個重點就係心悠身後一位着藍色短袖衫嘅男子，相信就係佢老公仔！男子單手穿過心悠腋下舉V，後者兩手亦夾住對方嘅手，互動又可愛又sweet，心悠笑得非常開心！

據悉心悠圈外老公係一名普通打工仔，年紀比佢細幾歲，唔少網民都大讚二人外形超襯，留言道：「姐姐看起來好幸福」、「還是那麼美啊」、「祝福」等。翻睇心悠社交平台幾乎全部都係學整甜品嘅相片，而睇得佢非常享受，睇嚟已經為做一個好老婆、好媽媽準備就緒；加上今年佢亦冇參與參加咗多年嘅馬拉松比賽，令人不禁聯想到佢係咪早已備孕中。

撰文︰娛樂組