繪麗奈拍日本AV爆紅被質疑加工 自貼素顏原裝素海霖求「公論」

素海霖「繪麗奈」突爆成為香港第一個拍日本AV嘅女優，得到唔少人欣賞，IG粉絲亦升到18.8萬。人紅自然伴隨是非，對佢進行大起底，雖然冇咩黑歷史，佢嘅靚樣就被人質疑唔係純天然，係後天加工。素海霖都忍唔住出post為自己澄清。

同場加映： 

《死屍死時四十四 》 鄭中基讚呂爵安夠幽默做搞笑擔當 拍家庭戲啟發珍惜與家人溝通

{{hket:ul-video id="7836"}}{{/hket:ul-video}}

素海霖一直都坦蕩蕩，對網民對佢嘅評價都係一笑置之多，之但係講到整容就觸動到佢神經喇！素海霖深夜於IG放咗一張自拍素顏照，冇正面反擊整容傳聞，反而開放討論，留言：「啱啱搵到一張相，你幫我睇吓呢個女仔有冇整容？留言話畀我知。」相中嘅佢似乎正喺家中廁所，都真係一滴妝都冇化，而且仲係一頭黑髮加睡衣，非常咁樸素，完全冇艷光，幾乎認佢唔到。

{{hket:inline-image name="61fc5d73-99dc-4a6c-b1c5-f5150fdcb87b.JPG"}}{{/hket:inline-image}}

有人就質疑佢有整過鼻同下巴，留言：「點解會攞張唔係近照嚟證明自己冇整？佢最近嘅髮色同頭髮長短都唔係咁，擺張未整前嘅相出嚟。咁實冇整㗎，影嗰陣都未整。」

都有唔少人都撐佢只係化妝效果，留言：「睇到嘅係成班人掂都無掂過人哋塊面，又唔係醫生，就假定人哋整容，而且雞蛋裏面挑骨頭。呢個樣用一般審美嚟講點都係排名比較前，行出街靚過大部分人，冇可能用『衰』嚟形容，亦係點解有片商賞識佢，偏偏香港人就係要搵嘢彈人，將心比己啦！無人完美呀。」素海霖都回覆：「黐黐哋，就算畀啲人摸到我塊面都可以話我有整。」

對於佢有冇整容各有意見，有人表示就算整容冇咩大不了，更加表示素海霖嘅素顏樣更勝佢嘅化妝樣，希望有一日可以見到佢用呢個真面目演出咁話呀！

撰文：黃蘊姿